E fundit!

07:38 Kosova & Bota

Mbi 800 vatra aktive zjarri në Kanada/ Tymi arrin në SHBA, shkakton alarm për cilësinë e ajrit

Mbi 800 zjarre pyjore vazhdojnë të digjen në të gjithë Kan...

Theo Hernandez futet në historinë e Milanit, Conceicao: Po ziej!

15 Janar 2025, 17:58, Sport CNA

Milani mposhti Como-n 2-1 me përmbysje, në atë që ishte fitorja e parë në kampionat për trajnerin e kuqezinjve, Sergio Conceicao.

Tekniku kuqezi pas ndeshjes u shfaq i lumtur për tre pikët, por sërish kishte kritika për lojën e ekipit.

Sipas tij, skuadra ka vend për shumë përmirësime, ndërsa shtoi se nuk mungon karakteri.

“Po ziej nga brenda, e jetoj ndeshjen me shumë pasion. Në 13 vjet nuk kam bërë asnjë intervistë para ndeshjes, nuk jam mësuar me këto. Edhe me familjen nuk flas 2-3 orë para ndeshjes. Këtu ka rregulla të tjera dhe duhet të mësohem me to. Drejtuesit duhet të flasin më shumë para ndeshjes e unë duhet të flas më pak sepse jam nervoz.

Luajmë kundër kundërshtarëve cilësorë. Nuk ishim aq efektivë sa ishim përgatitur. Në pjesën e dytë ishim më mirë, sidomos pasi pësuam golin. Duhet të jemi më solidë si ekip, nuk mund ta lejojmë kundërshtarin të dalë aq lehtë. Duhet të ndryshojmë dhe të punojmë në disa gjëra, baza e futbollit është soliditeti: nëse nuk pëson gola, atëherë cilësia që kemi do të krijojë mundësi shënimi. Kemi përmbysur tre ndeshje çka tregon se grupi ka karakter. Mund t’i përmirësojmë fizikisht, taktikisht, teknikisht dhe në aspektin e qëndrimit këta lojtarë. Mund të flas për dy orë, por nëse ata nuk e kanë diçka në kokën e tyre atëherë bëhet e vështirë.

Ne kemi ide të qarta, lojtarët e këtij niveli këtu nuk ishin mësuar me një punë të caktuar: ata mendojnë se duke shkuar lart vrapon më shumë. Nuk është e vërtetë, nuk vrapon më shumë, por vrapon. Pastaj, kjo është ideja ime për lojën. Është e qartë se kemi lojtarë që nuk i kanë këto karakteristika, por kemi gjithçka për të fituar karakteristikat. Gjithsesi është skuadra që duhet të përmirësohet”, deklaroi Conceicao.

Theo Hernandez ishte lojtari që i hapi rrugën përmbysjes së Milanit. Francezi shkoi në kuotën e 30 golave me fanellën e italianëve, duke u futur në histori të klubit.

Theo Henandez është mbrojtësi me më shumë gola në historinë e Milanit, duke kaluar një legjendë si Paolo Maldini.