web counter
LEXO PA REKLAMA!

SHKARKO APP

App Store
Google Play

Gvozdenoviç paralajmëron ekipin: Tani nuk duhet të gabojmë më!

2 Mars 2023, 17:50, Sport CNA
Gvozdenoviç paralajmëron ekipin: Tani nuk duhet të
Ivan Gvozdenovic

Skënderbeu ka dalë në krye të renditjes së kategorisë së parë, por sfida më e vështirë per trajnerin Gvozdenoviç nis tani që duhet të mbrohet ky kryesim deri sa të mbyllen edhe 9 javët e mbetura të kampionatit.

Trajneri ka zhvilluar analizë me ekipin para ndeshjes në transfertë me Burrelin, duke u nisur jo thjesht e vetëm nga kjo sfidë por edhe ajo e kaluara në shtëpi ku Skënderbeu arriti sipas shumë vlerësimeve një fitore të vuajtur ndaj Luzit.

'Duhet të jemi të vetëdijshëm për atë që na pret në pjesën e mbetur të sezonit. Në ndeshjen e fundit mund t’ua them se ka pasur disa situata në të cilat nuk kemi vepruar mirë dhe i kemi dhënë më shumë hapësirë se sa duhet kundërshtarit. Ndaj edhe për këtë, duhet të rikuperojmë shumë në këtë pjesë.

Por kjo nuk është arritje kryesore për ne. Tani na lind detyra të mbajmë këtë vend në klasifikim dhe kjo do të kërkojë më shumë sforco për ne. Tani kemi përpara Burrelin dhe duhet të përqendrojmë aty të gjithë kërkesën maksimale.

Duhet të mbajmë këtë vend deri në fund dhe kjo do të jetë detyra jonë më e vështirë. Mos harroni që nuk ka më kundërshtar të lehtë. Do të respektojmë çdo ekip që kemi përballë, por jo më shumë se veten.

Jemi Skënderbeu dhe mund të fitojmë me çdokënd. Kjo është pak, por e sigurt”, tha mes të tjerash trajneri i Skënderbeut. Në këtë kategori nuk duhet të çedojmë asgjë, pasi është tepër e vështirë për të rikuperuar më pas.

Më vjen mirë që keni reaguar dhe sidomos kur Luzi na barazoi, por janë gjëra që duhet t’i shmangim sa më shumë të jetë e mundur' ka thënë në analizë me ekipin trajneri Gvozdenoviç.





Lajmet e fundit nga