web counter
LEXO PA REKLAMA!

SHKARKO APP

App Store
Google Play

Gugash Magani pritet të marrë drejtimin e Skënderbeut

31 Maj 2022, 10:01, Sport CNA
Gugash Magani pritet të marrë drejtimin e Skënderbeut
Gugash Magani

Përtej largimeve të shumta dhe zbrazjes së ekipit nga lojtarët për sezonin e ri, Skënderbeu është duke nxituar edhe në krijimin e një skuadre kompetitive për Kategorinë e Parë.

Me objektivin e qartë të rikthimit menjëherë në Superiore, korçarët duket se nuk kërkojnë të humbasin kohë, por do të duhet të mbyllin gjithçka më herët. Kjo për vetë faktin se në momentin kur të fillojnë përgatitjet gjithçka duhet të jetë gati.

Në kushte të tilla, gjëja e parë që duhet të zgjidhet është çështja e trajnerit, se kush do të jetë timonieri i Skënderbeut për sezonin e ri.

Për momentin janë dy pista të nxehta, në njërën anë qëndron Liçi si i gatshëm për të drejtuar korçarët drejt ringritjes, ndërsa pista tjetër është ajo që të çon te Gugash Magani si trajner i ri i Skënderbeut.

Shtypi sportiv shkruan sot se Magani dhe Takaj kanë diskutuar rreth kësaj piste.

Trajneri peqinas do të pranonte me dëshirë të ishte pjesë e Skënderbeut në ringritjen e ekipit nga e para dhe duket se Takaj e sheh si personin më të duhur për të bërë një gjë të tillë.

Ende për momentin nuk ka asgjë zyrtare, por dukshëm që po shkohet drejt kësaj zgjedhjeje. Vetë presidenti kërkon një trajner me eksperiencë në këtë kategori, por edhe me vizion të qartë.

Ndaj, edhe zgjedhja e tij do të ishte ajo e Maganit. Pas konfirmimit të tij në krye të Skënderbeut do të nisin edhe përgatitjet për ekipin e sezonit të ri./ CNA.al





Lajmet e fundit nga