web counter
LEXO PA REKLAMA!

SHKARKO APP

App Store
Google Play

Përgatitjet për Islandën/ Kastrati largohet për disa orë, Roshi stërvitet i veçuar, ja situata te kuqezinjtë

30 Maj 2022, 12:08, Sport CNA

Përgatitjet për Islandën/ Kastrati largohet për disa

Kombëtarja shqiptare e futbollit ndodhet në ditën e katërt të stërvitjes, ndërsa është grumbulluar për ndeshjet e Nations League ndaj Islandës në transfertë, Izraelit në shtëpi dhe miqësoren me Estoninë.

Armando Broja ende nuk është bashkuar në grumbullimin e kuqezinjve, ndërsa pritet që t’i bashkohet grupit në ndeshjet ndaj Izraelit dhe Estonisë, pasi thuhet se është i infektuar me COVID-19.

Në stërvitjen e kësaj të hëne mungon Elhan Kastrati, i cili për çështje proceduriale për pasaportën ka udhëtuar drejt Italisë. Vendin e Kastratit në stërvitje e ka zënë portieri Angelo Tafas, i cili është pjesë e kombëtares U-21, por këto ditë është stërvitur me përfaqësuesen e parë.

Ndërkohë, Xhakomo Vrioni pritet që t’i bashkohet skuadrës kuqezi ditën e nesërme, ndërsa duhet theksuar se ai ka fituar “Këpucën e Artë” në kampionatin austriak, ku ka shënuar 19 gola për ekipin e WSG Tirol.

Odise Roshi është stërvitur në mënyrë individuale për shkak të disa problemeve fizike, megjithatë gjasat janë që ai të jetë i gatshëm për përballjen me Islandën. Ndërkohë, nesër do të luhet një test miqësor brenda grupit në “Niko Dovana”.

Skuadra do të stërvitet deri më 3 qershor, pasi më pas do të niset për në Islandë, ku do të luajë ndeshjen e parë, për Nations League.





Lajmet e fundit nga