web counter
LEXO PA REKLAMA!

SHKARKO APP

E fundit!

x

Goli i Asllanit dhe një penallti e dyshimtë, Interi me një dorë te titulli

4 Mars 2024, 22:53, Sport CNA

Interi ka fituar në shtëpi përballë Genoas, ndeshjen e vlefshme për javën e 27-të të kampionatit italian. Sfida e zhvilluar në stadiumin “San Siro”, përfundoi me fitoren 2-1 të vendasve.

Ishte Kristjan Asllani ai që i dha avantazhin zikaltërve në minutën e 30’ pas një topi të marrë nga Sanchez. Nga një kënd jo shumë i thjeshtë, mesfushori i Kombëtares lëshoi një “predhë”, ku gjeti golin e parë me fanellën e Interit. Vlen të theksohet se Asllani qëndroi gjatë gjithë 90 minutave në fushë, duke mos u zëvendësuar. Ndërsa golin e dytë për Interin e shënoi ai që asistoi Asllanin te i pari. Alexis Sanchez ktheu në gol një penallti të fituar me polemika nga Barella në minutën e 38-të.


Me nisjen e pjesës së dytë, Genoa u bë më kërkuese, duke gjetur edhe golin e parë me Vasquez në minutën e 54’, por ai gol u ç’vlerësuar duke mbetur thjeshtë si statistikë, pa mundur që ekipi të marrë 1 pikë.

Me këtë fitore, Interi shkon në kuotën e 72 pikëve, plot 15 më shumë se Juventusi i vendit të dytë. Në krahun tjetër, Genoa mbetet në vendin e 12-të me 33 pikë të grumbulluara.





Lajmet e fundit nga