web counter
LEXO PA REKLAMA!

SHKARKO APP

E fundit!

x

“Modriçi i ri” zgjedh Shqipërinë, do të përfaqësojë ngjyrat kuqezi

4 Mars 2024, 19:03, Sport CNA

Një futbollist që po shkëlqen në Kroaci, ka zgjedhur të përfaqësojë Shqipërinë. 

Bëhet fjalë për Feta Fetai. Sipas shtypit të shkruar, 18-vjeçari do të jetë afrimi më i fundit i Alban Bushit për ndeshjet e muajit mars që ekipi Shpresa do të luajë në shtëpi, ndaj Finlandës dhe Zvicrës.

Bëhet e ditur se Bushi ka komunikuar me lojtarin dhe e ka bindur që të bashkohet me Shqipërinë, sepse deri tani mesfushori ka përfaqësuar Maqedoninë e Veriut në grupmoshën U-18 dhe U-19.

Fetai është një shqiptar që ka lindur në Shkup dhe aktualisht luan për Lokomotivën e Zagrebit, në elitën e Kroacisë. Nga moshat e Rabotniçikit tek ekipi i parë, Fetai kaloi verën e kaluar te klubi kroat që është një oaz shqiptarësh në vitet e fundit. Fillimisht duke marrë minuta të reduktuara, ndërsa nga janari dhe tani, Fetai ka luajtur çdo ndeshje.

Nga pamja, flokët dhe lëvizjet në fushë, 18-vjeçari të ngjason me Luka Modriç, teksa shpresojmë që në të ardhmen të ketë një karrierë të suksesshme.





Lajmet e fundit nga