web counter
LEXO PA REKLAMA!

SHKARKO APP

App Store
Google Play

E fundit!

x

Goditje "big" e Dinamos, vjen mesfushori i rritur te Sampdoria

23 Shkurt 2023, 10:37, Sport CNA

Goditje "big" e Dinamos, vjen mesfushori i rritur te Sampdoria

David Ivan është lojtari më i ri i Dinamos. Ai do të plotësojë një nga vendet që klubi kryeqytetas kishte lënë të lira në listën e federimeve. Palët kanë arritur akordin dhe futbollisti nga Sllovakia ndodhet tashmë në Tiranë, është bashkuar me skuadrën e tij të re dhe ndoshta mund të luajë që në fundjavë ndaj Tomorit.

Bëhet fjalë për një lojtar që sportivisht është rritur te Sampdoria në Itali, te moshat e saj, më pas ka qenë pjesë e Barit dhe Kievos në vendin fqinj, ndërsa që prej vitit 2021 ai është aktivizuar në Bjellorusi me Dinamo Brest. Te Dinamo e shohin si një përforcim me vlera, një lojtar që ka pasur aktivizim të rregullt kohët e fundit dhe që pritet të jetë pjesë e rëndësishme e skuadrës edhe sezonin e ardhshëm në Superiore, gjithmonë nëse kryeqytetasit ngjiten.

Ivani luan në pozicionin e mesfushorit shkatërrues, por edhe në role të tjera në mesfushë. Drejtuesit blu kanë qenë në kërkim të një mesfushori qendre dhe kanë konkluduar tashmë me sllovakun 27-vjeçar. Ai ka luajtur edhe me kombëtaret e moshave të Sllovakisë, deri tek U-21, ndaj dhe mendohet se ka një bagazh të konsiderueshëm për ta ndihmuar Dinamon në vazhdim. Detajet e kontratës së tij me blutë do të mësohen ditët në vazhdim.

Në merkaton e dimrit kryeqytetasit bënë edhe disa afrime të tjera, por vetëm mbrojtësi Zhivanaj ka zënë vend në formacion. Sulmuesi Amarildo Gjoni nuk është ende në kondicionin e duhur fizik, kurse Alen Ndreu më shumë është aktivizuar me ekipet e moshave. Babakar Fall luajti ndaj Skënderbeut, ku shënoi edhe golin e barazimit, kurse në Burrel nuk u aktivizua.





Lajmet e fundit nga