web counter
LEXO PA REKLAMA!

SHKARKO APP

App Store
Google Play

Bonuçi: Një ditë do ta fitoj Champions Leaguen

22 Shkurt 2023, 21:36, Sport CNA

Leonardo Bonuçi bëhet gati që të rikthehet në fushën e lojës dhe kundër Nantës do të jetë në dispozicion, ndonëse vështirë se kapiteni të mund të ketë një shans nga minuta e parë, duke qenë se ka 3 muaj jashtë fushave.

35-vjeçari ka qenë i ftuari special për pyetjet e “Junior Reporter”, që Juventusi organizon gjithmonë, me kampionët e tij që merren në pyetje nga fëmijët e vegjël: “Idhulli im në moshë të vogël ka qenë Alesandro del Piero dhe falë tij u bëra edhe tifoz i Juventusit. Por më pas, duke ndryshuar rol në fushë, u dashurova pas Alesandro Nestës.

Numri 19? Është një dedikim për bashkëshorten dhe fëmijët e mi. Madje e kam bërë edhe tatuazh atë. Është shuma e datave të lindjes së tyre, të cilat sido që të mblidhen, në fund del gjithmonë 19. Champions-i? Liga e Kampioneve është një objektiv, sepse do të luaj edhe disa vite, me shpresën se do ta mbyll te Juventusi. Objektivi im është që ta fitoj atë si lojtar, por nëse nuk ia dal në fushë, do ta tentoj edhe si trajner, pasi do të jetë ky hapi im i radhës në karrierë, pasi ta mbyll futbollin e luajtur”.





Lajmet e fundit nga