web counter
LEXO PA REKLAMA!

SHKARKO APP

App Store
Google Play

E fundit!

x

Telashe për Partizanin, ylli i të kuqve largohet në mënyrë të papritur nga Shqipëria

23 Shkurt 2023, 09:22, Sport CNA

Telashe për Partizanin, ylli i të kuqve largohet në

Partizani në ndeshjen e nesërme ndaj Kukësit do të duhet të bëjë pa plot gjashtë lojtarë, pesë prej të cilëve janë zgjedhje të para të trajnerit Xhovani Kolela. Andi Hadroj dhe Eljon Sota janë mungesa të deklaruara për shkak se kanë plotësuar numrin e katër kartonëve, por ata nuk do të jenë i vetmi telash për Kolelën.

PROBLEMET – Paulo Buxhelaj, i cili mungoi edhe në ndeshjen ndaj Erzenit, nuk i ka kaluar ende problemet fizike. Sabit Bilali, gjithashtu i dëmtuar para ndeshjes së shkuar, do të jetë jashtë edhe për përballjen e nesërme ndaj Kukësit. Edhe Fabian Shahaj mësohet se ka pësuar një dëmtim. Mbrojtësi i huazuar nga ADO Den Hag i shtohet listës së lojtarëve të padisponueshëm për nesër. Në stërvitjen e djeshme, të dëmtuarit e zhvilluan stërvitjen të veçuar, me një program të diferencuar, teksa e lanë fushën shumë më para se pjesa tjetër e ekipit.

Dje në stërvitje nuk ishte as Viktor da Silva, teksa burime pranë klubit bëjnë me dije për gazetën se ai është larguar jashtë vendit për shkak të një problemi personal. Braziliani nuk pritet të luajë ndaj Kukësit dhe përbën një mungesë të rëndësishme.

RIKUPERIMET – Lajme shumë të mira vijnë nga Alban Hoxha dhe Valentino Murataj. Kapiteni dje është stërvitur normalisht me skuadrën dhe u duk qartë se e kishte kaluar dëmtimin muskulor, teksa do të jetë zgjedhja e Kolelës nëse do ta preferojë në portë, apo do të vazhdojë me Rexhepin. Valentino Murataj, që u fut si zëvendësues ndaj Erzenit, është tërësisht gati për të startuar nesër.

STËRVITJA – Trajneri Xhovani Kolela e nisi stërvitjen e djeshme me lojëra, por me kalimin e minutave u orientua tërësisht në aspektin taktik. Ai mundohej t’u shpjegonte çdo detaj lojtarëve të tij, teksa ka nisur të mësojë edhe fjalët e para në gjuhën shqipe, ku “avashavash” është më e përdorura. Trajneri për disa minuta i vendosi të gjithë sulmuesit përballë mbrojtësve, duke krijuar një luftë të fortë sportive. Gjatë këtyre betejave bie në sy goditja shumë e mirë e Matondos, teksa nuk munguan as gabimet, pasi dy topa kaluan gjithë rrethimin e stadiumit dhe përfunduan në parking.

Për minindeshjen në fund të stërvitjes, Kolela preferoi të luhej me porta të vogla, me qëllim përmirësimin e shënjestrës së sulmuesve. Ra në sy shënimi i mjaft golave. Në fund sulmuesit qëndruan për të praktikuar goditjet, ndërsa Maget dhe Hadroj bënë disa vrapime ekstra.

 





Lajmet e fundit nga