web counter
LEXO PA REKLAMA!

SHKARKO APP

App Store
Google Play

Gjermania, në provën e "zjarrit". Sfidon Danimarkën për çerekfinalen

29 Qershor 2024, 12:28, Sport CNA

Gjermania, në provën e "zjarrit". Sfidon Danimarkën

Gjermania, një nga pretendentët për të fituar Europianin, luan një sfidë delikate. Organizatorët e Euro 2024, përballen me Danimarkën, në ndeshjen e vlefshme për fazën e 1/8-ve.

Një përballje që vlen çerekfinalen, aty ku dy ekipet do të kërkojnë me çdo kusht triumfin dhe kualifikimin më tej.

Do të jetë një ndeshje e vështirë për të dyja ekipet, ndonëse “pancerat”, vijnë si favoritë absolutë.

Në konferencën para ndeshjes, trajneri i Gjermanisë, Julian Nagelsman, vlerësoi maksimalisht kundërshtarin, por tha se ekipi i tij i ka provuar të gjitha llojet e ndeshjeve dhe është gati.

“Danimarka është një ekip tepër i organizuar. Janë momente gjatë lojës që ata janë shumë agresivë në mbrojtje, por edhe mund të dalin në sulm me pasime me vetëm një prekje. Ata kanë lojtar me shumë eksperiencë në ekip dhe një strukturë të pastër. Është një kundërshtar i vështirë, sigurisht. Stadiumi i Dortmundit është zakonisht shumë i zhurmshëm dhe unë e kam provuar më parë këtë gjë si një trajner kundërshtar.

Shpresoj që të kemi të njëjtën atmosferë edhe nesër. Faza e grupeve ishte tepër interesante për ne, sepse loja e parë shkoi më mirë seç e kishim pritur, pastaj kishim një lojë të komplikuar me Hungarinë dhe pastaj me Zvicrën, ne patëm vështirësi të shënonim golin, kështu që ne i kemi provuar të gjithë llojet e ndeshjeve. Është e rëndësishme që të mësosh se si t’i përballosh të gjithë situatat.”, deklaroi Nagelsmann. 

Një eliminim sot do të shtonte kritikat e mëdha për Gjermaninë, që gjithashtu ka vuajtur në dy ndeshjet e fundit të grupit, ndaj Hungarisë dhe Zvicrës.

Danimarka, vjen në këtë përballje pa presion dhe do të kërkojë të bëjë surprizën e madhe të Europianit.

Ndeshja e vlefshme për fazën e 1/8-ve, është planifikuar të luhet mbrëmjen e kësaj të shtune, duke nisur nga ora 21:00.





Lajmet e fundit nga