web counter
LEXO PA REKLAMA!

SHKARKO APP

App Store
Google Play

Skënderbeu bën katër afrimet e para, gati prezantimi

28 Qershor 2024, 12:03, Sport CNA

Skënderbeu bën katër afrimet e para, gati prezantimi

Skuadra ka marrë pushimet pas përfundimit të sezonit, por drejtuesit e Skënderbeut vazhdojnë punën për lëvizjet në merkato.

Korçarët do të kenë një ekip më shumë ndryshime për sezonin e ardhshëm, kjo për shkak të shitjeve.

Ndryshimet më të shumta janë në sulm, aty ku janë larguar tre lojtarë deri tani. Sa u përket afrimeve, te Skënderbeu kanë gati katër firma.

Mësohet se korçarët kanë arritur marrëveshjen me 4 futbollistë, emrat e të cilëve nuk bëhen të ditur, por do të zyrtarizohen pas 1 korrikut, kur të hapet zyrtarisht merkatoja dhe skuadra të nisë përgatitjet.

Njëri ndër ta pritet të jetë sulmuesi Alfred Mensah. Ganezi ka mbyllur aventurën me Partizanin dhe gjasat janë të mëdha që të rikthehet në Korçë.

24-vjeçari e njeh mirë ambientin te Skënderbeu, pjesë e të cilëve ishte për dy sezone, nga viti 2020, deri në vitin 2022.

Sipas asaj që bëhet e ditur nga klubi korçar, katër afrimet do të nisin stërvitjen me bardhekuqtë të hënën e 1 korrikut, ndërsa bëhet fjalë për dy futbollistë shqiptarë që luajnë jashtë vendit dhe dy lojtarë të huaj.

Sezoni i fundit ishte pozitiv për Skënderbeun, pasi e mbylli në vendin e tretë, me lojtarë të rinj në përbërje. Kjo e ndihmoi klubin edhe në shitjen e disa lojtarëve, për të mbushur arkat. E njëjta strategji do të ndiqet edhe në këtë merkato vere, me shpresën, se do të përshtaten shpejt dhe do të lënë shenjën e tyre në Superiore.





Lajmet e fundit nga