web counter
LEXO PA REKLAMA!

SHKARKO APP

App Store
Google Play

Shkëlqeu në Europian, futbollisti i Shqipërisë drejt transferimit në Serinë A

28 Qershor 2024, 12:33, Sport CNA

Shkëlqeu në Europian, futbollisti i Shqipërisë drejt

Thomas Strakosha ishte një nga lojtarët më të spikatur në Europian me Shqipërinë. Portieri ishte vendimtar në tri ndeshjet e kuqezinjve, me disa pritje të shkëlqyera.

Duke parë formën shumë të mirë të lojtarit, në gjurmët e tij janë vënë disa skuadra. Sipas raportimeve nga Italia, Strakosha është në listën e Fiorentinës për sezonin e ardhshëm.

Klubi vjollcë ka nisur punën për lëvizje që do bëhen në merkato dhe një nga dëshirat e drejtuesve është portieri shqiptar.

Strakosha po kalon një periudhë të vështirë në Angli, aty ku është pjesë e Brentford dhe nuk ka gjetur hapësirat e dëshiruara.

Një rikthim në Serinë A për 29-vjeçarin, do të ishte lëvizje shumë e mirë, pasi e njeh si kampionat, për shkak se ka spikatur me paraqitjet e tij.

Strakosha la shenjë të Lazio, pjesë e të cilëve ishte për 10 vite, duke u kthyer në një lojtar të rëndësishëm të ekipit.

Bisedimet zyrtare me Fiorentinën mungojnë ende, por në ditët e ardhshme, drejtuesit pritet të bëjnë lëvizjen e tyre, pasi janë të bindur që Strakosha është lojtari i duhur për portën.

Me skuadër të re, pritet të bëhet edhe portieri tjetër i Shqipërisë, Etrit Berisha. Nga 1 korriku, futbollisti 35-vjeçar do të dalë lojtar i lirë dhe mund të vazhdojë karrierën në Serinë B italiane.

Raportohet se Sampdoria është vënë në gjurmët e lojtarit kuqezi. Trajneri i njohur, Andrea Pirlo, kërkon të formojë një skuadër me lojtarë me eksperiencë, për të synuar ngjitjen në elitë dhe Berisha shihet si i duhuri për katërkëndëshin.





Lajmet e fundit nga