web counter
LEXO PA REKLAMA!

SHKARKO APP

App Store
Google Play

Kupa e Amerikës/ Brazili merr fitoren e parë, kualifikohet Kolumbia

29 Qershor 2024, 12:18, Sport CNA

Kupa e Amerikës/ Brazili merr fitoren e parë, kualifikohet Kolumbia

Raundi i dytë në ndeshjet e grupeve të Kupës së Amerikës, zbuloi edhe skuadrën e radhës që kualifikohet në çerekfinale.

Kolumbia mposhti me rezultatin e pastër 3-0 Kosta Rikën, në ndeshjen e vlefshme për Grupin D.

Ishte një ndeshje pa shumë histori, me kolumbianët që e mbyllën pjesën e parë në avantazh minimal. Luis Diaz, u tregua i saktë nga penalltia në minutën e 31-të, për të zhbllokuar sfidën.

Edhe fraksioni i dytë, nisi me Kolumbinë në sulm. Sancho realizoi golin e dytë në minutën e 59-të, pas një asisti të marrë nga Arias.

3 minuta më vonë, Cordorba, vulosi takimin në 3-0, për t’i dhënë triumfin e dytë në grup Kolumbisë që kualifikohet në çerekfinale, pasi kryeson me 6 pikë, 2 pikë më shumë se Brazili i vendit të dytë.

Kombëtarja "seleçaos", mori fitoren e parë në Kupën e Amerikës, pasi mposhti me rezultatin 4-1 Paraguajin.

Pas barazimit pa gola me Kosta Rikën në ndeshjen e parë, barazilianët nuk gabuan dy herë. Pretendentët e nisën në sulm ndeshjen dhe në minutën e 31-të, Paketa kishte mundësinë e artë për shënim, por gaboi nga penalltia.

Megjithatë, 4 minuta më vonë, Vinicius Junior, ia doli të zhbllokojë ndeshjen, pas një asisti të marrë nga Paqueta.

Savio dyfishoi shifrat në minutën e 43-të, ndërsa në fundin e pjesës së parë, Vinicius me një dopietë personale, shënoi edhe të tretin për kombëtaren e tij.

Me fitoren të siguruar, pjesa e dytë ishte vetëm për statistikë. Alderete ngushtoi diferencat në startin e fraksionit të dytë, por Paketa i dha goditjen përfundimtare, duke shënuar të katërtin në minutën e 65-të.





Lajmet e fundit nga