web counter
LEXO PA REKLAMA!

SHKARKO APP

App Store
Google Play

Miqësoret/ Bindin Vllaznia dhe Egnatia, zhgënjen Tirana

29 Qershor 2024, 12:16, Sport CNA

Miqësoret/ Bindin Vllaznia dhe Egnatia, zhgënjen Tirana

Skuadrat shqiptare, vazhdojnë me përgatitjet, para ndeshjeve në Europë.

Kampionët e Egnatias, që do të luajnë në turin e parë të Ligës së Kampioneve, u përballën këtë të premte në miqësore, me skuadrën sllovene të Mariborit.

Rrogozhinasit treguan paraqitje shumë të mirë, duke barazuar 2-2, në një sfidë ku e panë veten në disavantazh të dy golave.

Për skuadrën e drejtuar nga Edlir Tetova, në këtë përballje, shënuan dy lojtarë të bashkuar me ekipin këtë verë, Regi Lushkja dhe Redi Kasa.

Një miqësore me nota pozitive për trajnerin e rrogozhinasve, që provoi shumë lojtarë duke marrë përgjigje nga secili prej tyre.

Egnatia do të luaj në raundin e parë kualifikues në Champions përballë Borac Banja Luka në Bosnje më 10 korrik dhe ndeshja e kthimit është planifikuar një javë më pas. 

Paraqitje bindëse tregoi në miqësore edhe Vllaznia. Shkodranët fituan minimalisht ndaj boshnjakëve, të Zrinjskit, në stadiumin e Mostarit.

Skuadra e drejtuar nga Tomas Bërdariç, iu fal një goli të shënuar nga Bekim Balaj, në minutën e 2-të.

Sulmuesi shkodran nuk fali në zonë, duke dërguar në rrjetë një top të mbetur në zonë, nga krosimi i Esat Malës.

Kjo ishte miqësorja e dytë për Vllazninë, pas humbjes me rezultatin 3-1 ndaj Buduçnostit.

Ndryshe nga skuadrat e tjera, Tirana duket se po has vështirësi në këtë fazë përgatitore. Bardheblutë, regjistruan humbjen e dytë në miqësore, teksa këtë herë u mposhtën minimalisht nga Struga e drejtuar nga trajneri Qatip Osmani.





Lajmet e fundit nga