web counter
LEXO PA REKLAMA!

SHKARKO APP

App Store
Google Play

E fundit!

x

Gati ndryshimet te Skënderbeu, zbulohen kërkesat e trajnerit Gvozdenoviç në merkato

26 Nëntor 2022, 19:27, Sport CNA

Gati ndryshimet te Skënderbeu, zbulohen kërkesat e trajnerit

Ivan Gvozdenoviç vjen menjëherë me ndry shime te Skënderbeu. Pasi është njohur me grupin e lojtarëve dhe ka zhvilluar seancat e para stërvitore, ka krijuar bindjen se ekipi ka nevojë për përforcime.

Burime të sigurta pranë trajnerit, zbulojnë për Panorama Sport kërkesën që i ka bërë Ardjan Takaj. Ai ia ka bërë të qartë presidentit se pret 3-4 afrime në merkaton e janarit. Duke forcuar më shumë organikën, mund të arrihet edhe objektivi që klubi ka.

44-vjeçari është i mendimit që korçarëve u duhen përforcime në mbrojtje dhe mesfushë, pasi ka hasur direkt brishtësi te këto reparte.

Për të rritur alternativat cilësore dhe efikasitetin në lojë, ndërhyrjet janë domosdoshmëri.

Porta dhe sulmi mund të quhen të kompletuara deri më tani, madje vija e parë ka mbingarkesë.

Nga ana tjetër, nuk përjashtohet mundësia që edhe ndonjë prej lojtarëve aktualë të ekipit të largohet nga Korça, nëse Ivan Gvozdenoviç nuk do të jetë i kënaqur nga rendimenti i tyre.

E thënë “troç” 4 ndeshjet e mbetura të kësaj faze, do të jenë vendimtare për të qartësuar edhe më shumë idetë.





Lajmet e fundit nga