E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

LIVE FRANCË-DANIMARKË/ Nuk ka gola, pjesa e parë mbyllet barazim

26 Nëntor 2022, 17:53, Sport CNA

Fati i Grupit D në Botërorin 2022 mund të vendoset që sot me sfidën e rëndësishme mes Francës dhe Danimarkës, dy përfaqësueseve europiane të cilat kërkojnë me çdo kusht të vazhdojnë më tej në këtë turne.

Pas fitores së thellë 4-1 ndaj Australisë, edhe pse bëhet fjalë për një ekip më cilësor përballë, Deshamp nuk ka hequr dorë nga ideja e tij për të rreshtuar katër sulmues në startin e sfidës. Grizman, Dembele, Mbape dhe Zhiru luajnë së bashku, të mbështetur edhe nga Rabio i cili është një alternativë ofensive më shumë, siç ka treguar në ndeshjen e parë.

LIVE FRANCË-DANIMARKË 0-0

NGJARJET KRYESORE

45’+3′ Mbyllet pjesa e parë.

40’ Dembele nga e djathta nis topin në zonë për Mbape, gjuajtja e këtij të fundit fluturon jashtë.

36’ Kornelius shpërdoron mundësinë e parë të mirë për ekipin e tij pas një kundërsulmi të shpejtë teksa gjuan jashtë nga e djathta.

34’ Shmajkel shpëton Francën me një devijim me këmbë ndaj gjuajtjes së Grizman nga e majta.

21’ Pas goditjes së dënimit, Dembele harkon në zonë ku Rabio gjuan me kokë, por gjen përgjigjen e Shmajkel.

20’ Kristensen ndëshkohet me të verdhë pasi ndal një sprint të Mbape. Francezët kërkojnë të kuq por kryesori nuk ndryshon mendje.

16′ Dominim i francezëve të cilët mundohen të gjejnë vazhdimisht Zhiru me harkime, por pa arritur të gjuajnë në portë.

9’ Harkim i Teo Hernandez nga e majta, Rabio e ul për Zhiru por ky i fundit nuk ia del të gjuajë në portë edhe pse pak hapa larg.

1’ Nis dueli në stadiumin “974”.