web counter
LEXO PA REKLAMA!

SHKARKO APP

App Store
Google Play

Foda: Ndaj Lituanisë kemi dy mungesa, ekipi ka vetëbesim edhe pas asaj që ndodhi në Rumani

17 Nëntor 2024, 16:51, Sport CNA
Foda: Ndaj Lituanisë kemi dy mungesa, ekipi ka vetëbesim edhe pas asaj
Franco Foda

Trajneri i përfaqësueses së Kosovës, Franco Foda, konfirmoi në konferencën e dhënë për mediet këtë të dielë, se “Dardanët” kanë dy mungesa për ndeshjen me Lituaninë.

Tekniku gjerman theksoi se ekipi luajti mirë ndaj Rumanisë, por shtoi se fokusi i tyre momentalisht është vetëm te kundërshtari i radhës.

“Ekipi ka luajtur shumë mirë në Rumani. Më e rëndësishmja është që ne jemi rikuperuar. Kemi mbërritur shumë vonë dhe tani po përgatitemi për ndeshjen e ardhshme. Edhe pas ngjarjes së fundit në Rumani, ekipi ka vetëbesim. Bëmë lojë të mirë në Bukuresht”-deklaroi ai si fillim.

Në vazhdim, ai konfirmoi mungesat e kapitenit të Kosovës Amir Rrahmanit dhe të Lumbardh Dellovës, për shkak të kartonëve.

“Do të mungojnë Amir Rrahmani e Lumbardh Dellova. Këta dy lojtarë janë ndëshkuar me kartonë të verdhë dhe nuk do të jenë të gatshëm për ndeshjen e radhës ndaj Lituanisë. Kemi opsione të mjaftueshme. Kemi Alitin, Hotin, Krasniqin dhe të tjerët”-vijoi Foda.

Kosova do të presë këtë të hënë Lituaninë në “Fadil Vokrri”, me ndeshjen e fundit të Ligës së Kombeve, të këtyre dy ekipeve, që nis në orën 20:45./CNA

 





Lajmet e fundit nga