web counter
LEXO PA REKLAMA!

SHKARKO APP

App Store
Google Play

E fundit!

x

Soucek: Ndaj Shqipërisë morëm një pikë me vlerë, sjellje e papërshtatshme nga tifozët

17 Nëntor 2024, 11:19, Sport CNA
Soucek: Ndaj Shqipërisë morëm një pikë me vlerë,
Tomas Soucek

Kapiteni i Republikës Çeke, Tomas Soucek, e ka cilësuar si shumë me vlerë pikën e marrë në barazimin pa gola ndaj Shqipërisë, në “Air Albania”, mbrëmjen e së shtunës.

Duke folur për mediet pas takimit të Ligës së Kombeve, mesfushori theksoi se për ta barazimi është rezultat pozitiv.

“Morëm një pikë jashtë, në një fushë të vështirë, mbajtëm portën e paprekur, kështu që janë disa gjëra pozitive. Që nga humbja në Gjeorgji, për të cilën akoma flasim, kemi pasur katër performanca me kualitet, kemi fituar dy dhe barazuar dy, që është e rëndësishme. Duhet ta shfrytëzojmë këtë moment të martën”, -tha ai si fillim.

Teksa, duke analizuar takimin, Soucek u shpreh se skuadra e tij bëri një lojë të mirë.

“Nëse do të kalonim në avantazh, do t’u duhej të hapeshin, por mbrojtëm të bashkuar dhe kjo dërgoi në barazim. Kanë shumë kualitet dhe është e vështirë t’i shtysh ato për 90 minuta. Nuk kishin ndonjë rast për t’u përmendur, mendoj se ishim shumë më shumë të rrezikshëm. Doja të gjeja rrjetën, por nuk e arrita topin si duhet. Gjëja më e rëndësishme është se akoma kryesojmë grupin. Ne u fokusuam në veten tonë. Sa për sjelljen e papërshtatshme nga tifozët, le ta zgjidhë federata e tyre”, u shpreh kapiteni i Çekisë./CNA





Lajmet e fundit nga