web counter
LEXO PA REKLAMA!

SHKARKO APP

App Store
Google Play

E fundit!

x

Shqipëri-Ukrainë sfidë vendimtare, UEFA cakton arbitrat e ndeshjes

17 Nëntor 2024, 10:19, Sport CNA
Shqipëri-Ukrainë sfidë vendimtare, UEFA cakton arbitrat e
Tifozët

UEFA ka vendosur ekipin e arbitrave që do të gjykojnë ndeshjen e Ligës së Kombeve mes Shqipërisë dhe Ukrainës, që luhet të martën e 19 nëntorit.

Arbitri kryesor i këtij takimi do të jetë jetë portugezi Joao Pinheiro.

Ndërsa asistentët e 36-vjeçarit për këtë takim janë po ashtu portugezë dhe ata janë Bruno Jesus dhe Luciano Maia.

Ndërsa arbitri i katërt i ndeshjes Shqipëri-Ukrainë është vendosur Joao Gonçalves.   

Pinheiro është një emër i njohur në Shqipëri, pasi gjashtë vite më parë, në tetor 2018 ka gjykuar një ndeshje të Kombëtares U-21 në Tiranë.

Ndeshje të cilën “Shpresat” e humbën me rezultatin 0-1 ndaj Spanjës U-21.

36-vjeçari portugez ka gjykuar në total gjatë gjithë karrierës së tij 362 ndeshje dhe në to ka dhënë 1642 kartonë të verdhë dhe 31 kartonë të kuq.

Takimi i Shqipërisë me Ukrainën është shumë i rëndësishëm, duke qenë se paralelisht për Grupin B1 në Ligën e Kombeve do të jetë duke u luajtur edhe sfida Çeki-Gjeorgji, me ndeshjet që nisin në orën 20:45.

Pas barazimit të së shtunës ndaj Çekisë, të martën Kombëtarja kuqezi do të zbresë në “Air Albania” për të marrë maksimumin./CNA

Shqipëri-Ukrainë sfidë vendimtare, UEFA cakton arbitrat e
Joao Pinheiro




Lajmet e fundit nga