web counter
LEXO PA REKLAMA!

SHKARKO APP

App Store
Google Play

E fundit!

x

Barazimi me Çekinë, Silvinjo: Nuk më pëlqyen vetëm 20 minutat e para

16 Nëntor 2024, 23:43, Sport CNA

Barazimi me Çekinë, Silvinjo: Nuk më pëlqyen vetëm 20

Trajneri i Shqipërisë, Silvinjo, deklaroi se në barazimin ndaj Çekisë, nuk i pëlqyen vetëm 20 minutat e para.

Tekniku kuqezi deklaroi se është gjithçka e hapur për vendin e parë në grup. Silvinjo u shpreh se bëri disa ndryshime në krahasim me ndeshjen në Pragë, duke thënë se në rast se ekipi do të kishte luajtur si në Çeki, do të kishte humbur edhe këtë herë.

“Barazimi është një rezultat që lë çdo gjë të hapur. Është një grup i ekuilibruar. Çekia është ekip i ashpër dhe kanë ritëm. E vetmja gjë që nuk ka pëlqyer në këtë ndeshje janë 20 minutat e para. Ishte e vështirë për tu përballur me Çekinë. Jam krenar për ekipin tim.

Është një ekip i vështirë për tu përballur. Janë lojtarë shumë të gjatë. Nuk është se lojtarët tanë nuk iu përshtatën skemave, por ishte një rival i vështirë. Duke bërë presion dhe me topin e gjatë nxjerr sulmuesit para.  

Nuk më surprizoi Çekia me qarkullimin e topit. Kemi bërë ndryshime nga ndeshja e parë. Nëse do të luanim si në Pragë, do të kishim humbur këtu. Lojtarët iu përshtatën ndryshimeve. Nëse marrin top të gjatë, kanë mundësi të jenë të rrezikshëm.

Mendoj se ky barazim na lë hapësira të luajmë për vendin e parë. Kampionati çek është shumë i fortë. Ne e kemi ndryshe stilin, luajmë më shumë futboll.”, deklaroi Silvinjo për Tv Klan.





Lajmet e fundit nga