web counter
LEXO PA REKLAMA!

SHKARKO APP

App Store
Google Play

Fitore e madhe me 7 gola, Kosova U-19 mposht Spanjën me përmbysje

16 Nëntor 2024, 17:49, Sport CNA

Fitore e madhe me 7 gola, Kosova U-19 mposht Spanjën me përmbysje

Kosova U-19 regjistroi fitoren e parë në kualifikueset e Europianit për këtë grupmoshë. “Dardanët” morën një triumf të madh ndaj Spanjës, në një ndeshje spektakolare.

Kosova ia doli të marrë suksesin me rezultatin 4-3 ndaj kombëtares iberike, me 3 pikët që u siguruan vetëm në sekondat e fundit.

Në fakt ishin spanjollët ata që patën një avantazh prej dy golave, por Kosova arriti që të përmbysë gjithçka për ta kthyer rezultatin në favorin e saj.

Dior Gerbovci dhe Edion Gashi shënuan nga një gol për të barazuar rezultatin në 2-2 para se lojtari spanjoll Raul Jimenez Latorre të shkaktonte autogol për epërsinë e Kosovës prej 3-2.

Në pjesën e dytë Spanja e gjeti sërish golin kësaj radhe me Omar Janneh i cili shënoi për rezultatin 3-3.

Të besuarit e Adil Maliqit, tri pikët i siguruan në ‘frymën e fundit’ duke realizuar për rezultatin përfundimtar 4-3 me një gol të Elvir Gashijanit.

Pas kësaj fitore Kosova renditet në vendin e dytë në grup me tri pikë, teksa kryeson Austria me gjashtë pikë.

Të martën dardanët do të kenë një tjetër ndeshje, kësaj radhe në transfertë ndaj Ishujve Faroe





Lajmet e fundit nga