web counter
LEXO PA REKLAMA!

SHKARKO APP

App Store
Google Play

E fundit!

x

Nuk përmbahet Lucescu: Duam fitoren 3-0 në tavolinë ndaj Kosovës!

17 Nëntor 2024, 12:48, Sport CNA
Nuk përmbahet Lucescu: Duam fitoren 3-0 në tavolinë ndaj
Lucescu

Në Rumani vazhdojnë të akuzojnë Kosovën për incidentet e ndodhura në Bukuresht.

Duke folur para sfidës me Qipron, trajneri i Rumanisë, Mircea Lucescu, nuk e pranon faktin që Kosova vendosi të ndërpresë ndeshjen për shkak të thirrjeve raciste dhe sulmeve nga tifozeria vendase.

Ai deklaroi si fillim në konferencën për mediet se Kosova ka luajtur më mirë në atë takim dhe se futbollistët e tij e kanë kuptuar gabimin që kanë bërë.

“Së pari, lojtarët e kuptuan se ata bënë një ndeshje të dobët, mendoj për shkak të presionit për të marrë një rezultat të mirë. Bëmë gabime të mëdha, fëmijërore, u dhamë atyre mundësinë për të arritur qëllimin”-tha ai.

Më tej ai akuzoi ekipin “dardan” që e kishte bërë me qëllim largimin nga fusha, pasi sipas trajnerit të Rumanisë tifozët e tyre u sollën shumë mirë.

“E dinim më parë se do të largoheshin nga fusha, e kishin deklaruar edhe në konferencë. Publiku u soll mrekullisht. As që mund të krahasohet me atë që ishte në Prishtinë. Na hodhën sende, vërshëllyen himnin tonë. Prisja që himni i tyre të mos vërshëllehej. Ata shpresonin se do të dilnin nga fusha dhe do të fitonin 3-0. Mungesë e tmerrshme e lojës së ndershme”,-deklaroi 79-vjeçari.

Tekniku theksoi se nga UEFA pret fitoren në tavolinë ndaj Kosovës.

“Nëse nuk fitojmë 3-0, do të thotë se nuk ka më rregullore. Gjithsesi rregullorja u shkel sepse vendimi duhet të ishte marrë tashmë. Gjyqtari duhej ta merrte menjëherë vendimin, nuk kishin guxim ta bënin. Ne ishim të gatshëm të qëndronim deri në mëngjes. Një ekip që largohet nga fusha duhet të humbasë 0-3. Vendimi duhet të merret nga UEFA”, -deklaroi trajneri Rumun.

Ndeshja mes Rumanisë dhe Kosovës, në Ligën e Kombeve u ndërpre në minutën e 90+5’ për shkak të sulmeve dhe gjuhës raciste të tifozerisë vendase ndaj ekipit “dardan” në Bukuresht./CNA





Lajmet e fundit nga