web counter
LEXO PA REKLAMA!

SHKARKO APP

App Store
Google Play

Flick harron të shkuarën, Bayern Munich me “armë” shtesë ndaj Barcelona-s

23 Tetor 2024, 12:57, Sport CNA

Flick harron të shkuarën, Bayern Munich me “armë”

Barcelona do të kërkojë të thyejë tersin në Ligën e Kampioneve. Katalanasit nuk njohin asnjë fitore ndaj Bayern Munich dhe synojnë ta arrijnë këtë të mërkurë, në takimin e vlefshëm për raundin e tretë në këtë kompeticion.

Shpresat e Barcelona-s janë te trajneri Hansi Flick, i cili i njeh mirë bavarezët, pasi disa lojtarë i ka trajnuar më parë aty.

Në prag të këtij takimi, tekniku gjerman deklaroi se ka kaluar momente të bukura me bavarezët, por theksoi se tani dëshiron të fitojë ndeshjen me Barcelona-n e tij.

“Shumë gjëra mund të ndodhin në ndeshje dhe gjërat mund të evoluojnë në një mënyrë që ne nuk e presim. Ne vetëm duhet të mendojmë për të radhës, çdo ndeshje është e rëndësishme në këtë periudhë dhe ne duhet të ecim hap pas hapi. Bëhet fjalë për një kundërshtar që luan shumë mirë, me lojtarë të jashtëzakonshëm.

Bayern-i ka qenë i veçantë në jetën time, është një klub i madh dhe kam shumë marrëdhënie të mira me lojtarët dhe trajnerët. Ishte një moment i bukur, por mbetet një kujtim, dua të fitojmë me Barcelona-n tani.

De Jong? Plani ynë ishte që të luante kundër Sevilla-s, por ai nuk ndihej mirë dhe vendosëm që ai të mos luante. Është një lojtar që e adhuroj”, deklaroi Flick.

Sa i përket Bayern-it, situata te gjermanët duket e shkëlqyer. Trajneri Kompani ka marrë lajme të mira nga infermieria në prag të kësaj përballje.

Është grumbulluar me skuadrën, edhe ylli i ekipit, Jamal Musiala, i cili mungonte prej disa javësh. Fantazisti gjerman është i gatshëm për të dhënë kontributin e tij për këtë përballje.

Ndeshja mes Barcelona-s dhe Bayern Munic-ut, do të luhet këtë të mërkurë, duke nisur nga ora 21:00.





Lajmet e fundit nga