web counter
LEXO PA REKLAMA!

SHKARKO APP

App Store
Google Play

FIFA dhe UEFA të prera, Rusia përjashtohet edhe nga Botërori 2026

19 Nëntor 2024, 14:59, Sport CNA
FIFA dhe UEFA të prera, Rusia përjashtohet edhe nga Botërori 2026
FIFA

FIFA dhe UEFA kanë vendosur që të zgjasin pëjashtimin e Rusinë nga çdo aktivitet futbollistik.

Unioni Rus i Futbollit (RFU) është përjashtuar nga kompeticionet e FIFA-s dhe të UEFA-s që kur Rusia filloi pushtimin e Ukrainës në shkurt të 2022.

Megjithatë, lënia jashtë e Rusisë nga aktivitetet dhe kompeticionet e FIFA-s dhe UEFA-s do të vijojë edhe më tej.

Kjo do të thotë se as ekipet e meshkujve dhe as të femrave nuk mund të luajnë në Kupën e Botës apo Kampionatin Europian. Klubet vendase gjithashtu nuk do mund të luajnë në kompeticionet e UEFA-s.

FIFA dhe UEFA kanë në plan që të ndalojnë pjesëmarrjen e Rusisë në kompeticionet e tyre deri në Kupën e Botës 2026, gjë që do të thotë se ata nuk do jenë në gjendje të marrin pjesë në kualifikuese.

UEFA shpërndau një pamflet më 11 nëntor ku thuhej se 192 ndeshje të fazës së grupeve do të zhvillohen në kualifikueset për Kupën e Botës 2026, duke garantuar efektivisht përjashtimin e Rusisë nga turneu.

Si do të funksionojë shorti kualifikues i UEFA-s për Kupën e Botës 2026?

Me Kupën e Botës 2026 që do të ketë  36 ekipe, një rritje nga 32 ekipet që u kualifikuan për në Katar, ka ndryshime në mënyrën se si funksionon sistemi kualifikues.

Gjithsej 12 skuadra të UEFA-s do të kualifikohen si fituese të grupeve ose në “play-off”.

Ekipet do të shortohen në 12 grupe me katër ose pesë skuadra më 13 dhjetor, megjithatë grupet me katër skuadra nuk do të fillojnë ndeshjet e tyre deri në shtator./CNA

FIFA dhe UEFA të prera, Rusia përjashtohet edhe nga Botërori 2026





Lajmet e fundit nga