web counter
LEXO PA REKLAMA!

SHKARKO APP

App Store
Google Play

Foda: Jam i lumtur me ekipin, ja pse në ndeshjet e para kishim rezultate jo të mira  

19 Nëntor 2024, 13:01, Sport CNA
Foda: Jam i lumtur me ekipin, ja pse në ndeshjet e para kishim rezultate jo
Franco Foda

Trajneri i përfaqësueses së Kosovës, Franco Foda, u shfaq shumë i lumtur pas fitores 1-0 të “Dardanëve” ndaj Lituanisë, në takimin e fundit të fazës së Ligës, në Ligën e Kombeve.

Në prononcimin për mediet pas kësaj ndeshje, tekniku gjerman deklaroi se pavarësisht se kartoni i kuq i Jasharit i bëri që të mbroheshin më shumë, është krenar për lojën e ekipit.

“Në pjesën e parë ishim më konstantë, luajtëm më mirë dhe shënuam golin herët. Pas kartonit të kuq ishim të detyruar të vrapojmë më shumë edhe në lojën pa top. Ishim të orientuar më shumë mbrojtje. Megjithatë jam shumë krenar me ekipin dhe shumë i lumtur që kemi arritur fitore”-tha ai si fillim.

Gjermani shtoi se ekipi është në rrugën e duhur, pasi ka marrë katër fitore dhe një barazim në pesë ndeshje.

“Në pesë ndeshje kemi katër fitore e një barazim dhe jemi në rrugën e duhur. Ekipi ende nuk është aty ku dua të jetë, por gjërat janë siç duhet të jenë. Në fillim më është dashur të provoj shumë dhe për këtë arsye rezultatet e para ishin më të dobëta”-u shpreh Franco Foda.

Kosova e mbylli me fitore fazën e Ligës në Ligën e Kombeve, ndërsa tashmë është në pritje të vendimit të UEFA-s për ndeshjen e ndërprerë ndaj Rumanisë, në mënyrë që të mësojë verdiktin final përsa i përket renditjes në Grupin C2./CNA

 

 





Lajmet e fundit nga