web counter
LEXO PA REKLAMA!

SHKARKO APP

App Store
Google Play

E fundit!

x

Silvinjo bën gati formacionin, si pritet të luajë Shqipëria

19 Nëntor 2024, 09:16, Sport CNA

Silvinjo bën gati formacionin, si pritet të luajë Shqipëria

Trajneri i Shqipërisë, Silvinjo ka bërë gati titullarët për takimin ndaj Ukrainës, që do të luhet mbrëmjen e kësaj të marte.

Tekniku kuqezi, do të vijë me ndryshime në këtë përballje, në krahasim me ndeshjen ndaj Çekisë, e cila u mbyll në barazim pa gola.

Në sulm rikthehet nga pezullimi Mirlind Daku që do të jetë titullar në vendin të Indrit Tucit.

Shqetësimi më i madh i momentit është mungesa e Jasir Asanit që la fushën e lojës në pjesën e parë kundër Çekisë i zëvendësuar nga Taulant Seferi.

Në stërvitjen e fundit para ndeshjes, Asani zhvilloi fillimisht një seancë individuale dhe më pas iu bashkua grupit. Megjithatë gjasat që ai të luajë nga fillimi janë të pakta, për shkak se nuk ndodhet në formën optimale, për një sfidë që dëshiron të shpenzohet shumë.

Silvinjo bën gati formacionin, si pritet të luajë Shqipëria

Nuk dihet nëse kundër Ukrainës do të jetë pikërisht Seferi që do të zëvendësojë Asanin, apo do të ketë alternative të tjera sikurse Ernest Muçi apo Arbër Hoxha duke llogaritur ndoshta edhe ndonjë spostim të mundshëm të Nedim Bajramit.

Sa i përket pjesës tjetër, nuk pritet të ketë ndryshime, me Strakoshën që është i konfirmuar në portë, ashtu si Mitaj në të majtë të mbrojtjes.

Në qendër do të jetë dyshja Ismajli-Ajeti, ndërsa në të djathtë pritet të luajë Balliu.

Treshja e mesfushës, do të jetë e njëjtë si ndaj Çekisë, me dyshen Ramadani-Asllani dhe Laçin, pak më të avancuar.

Shqipëria sfidon Ukrainën, një kundërshtar që në ndeshje e parë e mposhti me rezultatin 2-1 me përmbysje, në sfidën e zhvilluar në Pragë.





Lajmet e fundit nga