web counter
LEXO PA REKLAMA!

SHKARKO APP

App Store
Google Play

Festë kuqeblu në “Air Albania”, Vllaznia e Josës mban Kupën në Shkodër dhe siguron Europën

31 Maj 2022, 21:48, Sport CNA
Festë kuqeblu në “Air Albania”, Vllaznia e Josës mban
Skuadra e Shkodrës pas fitores

Shkodra në festë! Festë që u ndez në fakt në “Air Albania”, ku Vllaznia fitoi Kupën e Shqipërisë dhe siguroi pjesëmarrjen në Europë sezonin e ardhshëm. Kuqeblutë ngritën për herë të tetë në histori këtë trofe, të cilin e kishte fituar edhe një vit më parë, fiks në të njëjtën datë, me 31 maj, përballë Skënderbeut.

Këtë herë skuadra e mposhtur nga ekipi shkodran ishte Laçi, që megjithëse kaloi i pari në epërsi që në fillin të sfidës me Guindon, nuk ia doli të mbronte epërsinë, duke pësuar dy gola, që ishin njëri më i bukur se tjetri. Në minutën e 18-të barazoi Hoxhaj me kokë, pas krosimit të Latifit, ndërsa në shtesë, pikërisht në minutën e 95-të, Adili realizoi një gol vendimtar nga një distancë e largët, por jo pa faj është edhe portieri Dajsinani, që duhet ta kishte kontrolluar më me kujdes trajektoren e topit.

Rezultoi e treta e vërteta për Mirel Josën, që i shton palmaresit të tij Kupën e katërt dhe bëhet trajneri shqiptar me më shumë trofe, plot 12 (5 kampionate, 4 Kupa dhe 3 Superkupa), duke lënë pas Zihni Gjinalin (11 trofe).

Vllaznia-Laçi 2-1 (Hoxhaj 18’, Adili 95’/ Guindo 4)./CNA.al





Lajmet e fundit nga