E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

“Kam ëndërr të çoj Kombëtaren U-21 në Europian”/ Alban Bushi: Kemi furnizuar ekipin A, afruam lojtarin e Atalantës

31 Maj 2022, 11:21, Sport CNA

Alban Bushi, trajner

Alban Bushi, trajneri i Kombëtares U-21 ka folur para medieve për ndeshjet kualifikuese kundër Anglisë dhe Kosovës.

Ekipi kombëtar U-21 do të nisë grumbullimin sot në Durrës dhe pas rreth 6 ditësh përgatitje intensive, më datë 5 qershor skuadra do të udhëtojë drejt Anglisë për ndeshjen e datës 7 qershor. Gjashtë ditë më pas Kombëtarja U-21 do të luajë sfidën përmbyllëse të kualifikueseve në shtëpi, në stadiumin ?Elbasan Arena?, më konkretisht më 13 qershor ndaj Kosovës, në orën 19:30.

Këto janë edhe dy ndeshjet e fundit të kësaj fushate eliminatore, ku Shqipëria është shortuar në Grupin G, së bashku me Anglinë, Republikën Çeke, Slloveninë, Andorrën dhe Kosovën. Aktualisht, ekipi i drejtuar nga Alban Bushi renditet në vendin e katërt, me 9 pikë të grumbulluara në tetë ndeshje të luajtura.

?Për ne nuk ka shumë rëndësi kualifikimi, vetëm loja e bukur dhe dërgimi i lojtarëve në ekipin e parë. Nuk mund të tolerojmë dhe neglizhojmë në këto dy ndeshje. Nëse i fitojmë kualifikohemi, kjo është motoja që duam të kemi. Lojtarët janë të rinj, jemi në fundin e sezonit. Lojtarët kanë nevojë për pak pushim dhe shumë punë. Kam folur me ta, është momenti dhe mosha. Nuk kemi në ekip Ronaldon që bën 50 ndeshje në sezon.

Humbjet ? I kemi analizuar, nuk kemi bërë gabime kolektive në taktikë. Gabimet kanë qenë individuale. Çekia na mundi me katër gola, nga katër gabimet tona. FSHF ka seleksionuar lojtarët jashtë dhe i kemi dërguar në ekipin A. Për 15 vite, Asllani dhe Broja janë pjesë e ekipit të parë dhe kanë qenë me ne. Kjo na gëzon sepse këtë detyrë kemi.

Edi Reja ? E falënderoj, mori 7 lojtarët tanë për t?i stërvitur. Nga ata që mori në grumbullim, ai mendon se mund të ketë 2-3 për në ekipin e parë.

Unë nuk e mbaj mend Shqipërinë dhe Shpresat para 20 vitesh. Ky është momenti ynë më i mirë, kemi dërguar shumë lojtarë në ekipin e parë. 70 për qind e ekipit A janë nga Shpresat, Kumbulla, Vrioni janë me ekipin e parë. Kemi ecur mirë në futboll. Finalja e Conference League e tregon këtë.

Surpriza pas Asllanit ? Duhet të jem i kujdesshëm, lojtarët janë premtues. Ka lojtarë, nga mbrojtja kemi një lojtar që do të bëjë emër në futboll. Do t'i them në fundin e sezonit.

Këtë edicion, ndryshe nga i shkuari kemi më pak lojtarë sepse i mbaron mosha pas 2 ndeshjeve. Ka shumë të datëlindjes 2002-'03, por jo cilësorë. Po punojmë për emrat e rinj që do të kemi sezonin e ri.

Kam një listë me datëlindjen 2002-2004. Mitaj dhe Bajrami janë lojtarë të mirë. Reja i ka në mendje. Mbase i merr edicionin e ri dhe nuk i kemi. Kur ekipi A të merr dy lojtarë na prishen ekuilibrat. Por objektivi është ekipi A. Reja ka luksin që në sulm ka Brojën, Vrionin dhe Uzunin. Është bërë mirë nga FSHF.

Brezat dhe lidhja me vendin. Shqiptarët e Kosovës dhe Maqedonisë së Veriut ? Ky është një problem i hasur, nga një lojtar në Itali që luan në kategorinë e tretë. Nuk e ndiente veten sepse kishte lindur atje. Ka të drejtën e tij sepse ashtu është rritur. Kemi shumë shqiptarë në Angli, aty do të fokusohemi te moshat, datëlindja 2004-'05.

Kemi skautët tanë që punojnë për ne, kemi informacion për lojtarët. Endri Muhametin (Atalanta) e morëm sa folëm me prindërit dhe me të. Ka qenë e thjeshtë. Prindi është prind, shumë pak mund të luajnë me Italinë. Duke folur me ta zgjodhi ekipin tonë, e kemi edhe për sezonin tjetër.

Pesë vite me U-21 ? Momentalisht jam i fokusuar këtu. Bëmë mirë edhe vjet, zumë vendin e tretë. Humbja me Slloveninë dhe Kosovën nga fati na ndikoi, gjashtë pikë na penalizuan. Kam ëndërr të çoj U-21 në Kampionatin Europian. Futbolli është sport i çuditshëm, i bukur, por i keq.

Kam shtatë vite që punoj me fëmijët. Është e çuditshme si ndodh zhvillimi. Ka talent në moshën 15 vjeç, por nuk zhvillohet në atë 17 ose 18. Ka nga ata lojtarë që ti mendon se nuk bëhen sportistë, siç është rasti i Adolf Selmanit që u kam thënë prindërve të tij që është e vështirë të bëhet futbollist sepse ka qenë në akademinë time dy vjet edhe nuk kam parë asnjë cilësi tek ai.

I kam thënë se nuk bëhet, ndërsa tani e marr si shembull. Me punën që bëri, kokën poshtë, është pjesë e U-21 dhe lojtar shumë i rëndësishëm në Superligë.

Pra, është i çuditshëm zhvillimi i fëmijëve. Ndonjëherë janë prindërit ata që nuk i drejtojnë si duhet. FSHF ka projekt për sezonin e ri, të krijojë shkollën e saj për fëmijët më cilësorë. Nga të gjitha moshat në Shqipëri (U-16, U-18), të kenë shkollën, hotelin. Shpresoj të bëhet. Këtë projekt e ka ndjekur Gjeorgjia dhe nga U-15 tek U-21 është në nivel të lartë?, tha Bushi./ CNA.al