web counter
LEXO PA REKLAMA!

SHKARKO APP

App Store
Google Play

E njëjta datë dhe kundërshtar si Mourinho, Ten Hag rrezikon shkarkimin nga United

9 Nëntor 2023, 17:24, Sport CNA

E njëjta datë dhe kundërshtar si Mourinho, Ten Hag rrezikon

Erik ten Hag mund të shkarkohet në të njëjtën datë që Jose Mourinho u shkarkua nga Manchester United.

Djajtë e Kuq pësuan humbjen e tretë në katër ndeshjet e Ligës së Kampionëve të martën mbrëma 4-3 në transfertë ndaj Copenhagen.

Kjo i lë ata në fund të grupit të tyre dhe në rrezik serioz për t’u eliminuar në fazën e grupeve.

Skuadra e Ten Hag po vuan gjithashtu në Premier League ku kanë humbur pesë nga 11 ndeshjet e tyre të para.

Ata janë në vendin e tetë në tabelë, gjashtë pikë larg katër të parave dhe nëntë më pak se Manchester City.

Ndeshja e tyre e fundit para pushimit ndërkombëtar vjen në shtëpi me Luton të shtunën.

Më pas ata kanë një pushim dyjavor, duke u rikthyer në aksion me tri ndeshje jashtë fushe me Everton, Galatasaray dhe Neëcastle.

Pasojnë ndeshjet në shtëpi kundër Chelseat, Bournemouthit dhe Bayern Munich, deri në të cilën Manchester United mund të jetë jashtë Ligës së Kampionëve.

Ata më pas udhëtojnë te rivalët e mëdhenj, Liverpooli më 17 dhjetor, që ishte ndeshja e fundit e mbretërimit të Mourinhos në vitin 2018.

Me atë rast, trajneri portugez pa skuadrën e tij duke humbur 3-1 në Anfield më 16 dhjetor, përpara se të shkarkohej dy ditë më vonë.

Dhe Ten Hag mund të pësojë të njëjtin fat muajin e ardhshëm nëse rezultatet nuk përmirësohen.

 





Lajmet e fundit nga