web counter
LEXO PA REKLAMA!

SHKARKO APP

Hera e parë në histori, FSHF-ja me "dorë të hekurt" ndaj tri klubeve të Superiores

9 Nëntor 2023, 16:28, Sport CNA

Merkato e Tiranës, Dinamos dhe Skënderbeut është bllokuar nga FSHF-ja dhe kjo për shkak të mospagimit të detyrimeve që kanë klubet.

Kjo është hera e parë që vetë Federata Shqiptare e Futbollit ka bllokuar merkaton e një ose më shumë klubeve shqiptar, pasi këto vendime më parë janë marrë nga FIFA.

Përmes Komisionit të Disiplinës, Federata ka paralajmëruar klubet se në rast mospagimi të detyrimeve, do të përballeshin me pasoja të komisionit disiplinor, ku i shkruar është edhe pezullimi merkatos.

Vendimi i Federatës është i nxitur edhe nga fakti që UEFA ka ndryshuar kriteret e saj të licencimit të klubeve, gjë që do të thotë se nuk do t’u jepen më licencime evropiane klubeve që kanë detyrime ndaj palëve të treta.

Kjo gjë rrezikon kështu Tiranën dhe Dinamon, të cilat edhe nëse arrijnë një vend në Kupat Evropiane, sërish nuk do të mund të luajnë aty.





Lajmet e fundit nga