web counter
LEXO PA REKLAMA!

SHKARKO APP

App Store
Google Play

E fundit!

x

I shkoi afër eurogolit, Asllani: Po rritem falë shokëve të skuadrës

9 Nëntor 2023, 11:53, Sport CNA

Interi ia doli mbrëmjen e djeshme të fitonte ndaj Salzburgut me shifrat 1-0. Zikaltërtit bërë siç duhet “detyrat” dhe marrin kështu një 3 pikësh me shumë vlerë në grupet e Champions League.

Kristjan Asllani hyri në fushë në minutën e 61-të dhe bëri një paraqitje mjaft pozitive. Madje mesfushori  në një moment iu afrua edhe golit, më një goditje jashtë zone që rrezikoi të çante rrjetën e  kundërshtarëve.

Pas ndeshjes lojtari i kombëtares do të fliste për mediat, teksa do të theksonte se këtë vit ndihet mjaft i lumtur pasi po merr më shumë minuta dhe po rritet si lojtar falë mbështetjes së shokëve të skuadrës.

 “Këtë vit ndihem shumë mirë dhe për këtë po më ndihmojnë edhe shokët e skuadrës, të cilët po bëjnë ç’është e mundur që të përmirësohem. Jam i lumtur që hymë dhe fituam sot. Ishte një ndeshje themelore dhe ne ia dolëm ta merrnim në shtëpi suksesin. Ishte e ndërlikuar, nuk lejuan hapësira, pasi janë një ekip i fortë që vrapojnë shumë.

U treguam të zotë dhe të përulur për të luftuar deri në fund të ndeshjes për të marrë tri pikët që na takonin”, tha Asllani që vazhdoi të falënderonte tifozët: “Janë gjithmonë fantastikë, pa ata nuk e di çfarë do të bënim. Ne duhet të vazhdojmë kështu dhe të fitojmë edhe për ta”, ka përfunduar Asllani.





Lajmet e fundit nga