web counter
LEXO PA REKLAMA!

SHKARKO APP

App Store
Google Play

Prodhojnë lojë, por janë në krizë rezultatesh. Tri ndeshjet e radhës, decizive për Skënderbeun

8 Nëntor 2023, 10:13, Sport CNA

Skënderbeu e nisi kampionatin në mënyrën më të mirë të mundshme, me dy fitore radhazi, por skuadra korçare ka shfaqur oshilacione të shumta. 

Megjithëse kanë prodhuar lojë dhe raste të shumta, skuadra e Gvozdenovic po kalon një krizë rezultatesh. 

Skuadra e Skënderbeut është e vetmja që në 5 ndeshjet e fundit nuk ka arritur që të marrë asnjë fitore. Gjatë kësaj periudhe, Skënderbeu ka arritur të marrë vetëm 2 pikë, duke arritur t’i rrëmbejë ndaj Egnatias kryesuese dhe Tiranës që gjithashtu rreshtohet mes skuadrave pretendente.

Juglindorët ndodhen aktualisht në kuotën e 14 pikëve, po aq sa dhe Kukësi, duke qëndruar në mesin e klasifikimit, por ecuria jo e mirë natyrisht që ka bërë të reflektohet në Korçë, për t’u kthyer sa më parë te rezultatet pozitive. Tri ndeshjet e radhës për Skënderbeun do të jenë decizive, për shkak se përballë do të ketë skuadra me të njëjtin objektiv.

Skënderbeu do të luajë këtë fundjavë me Teutën në shtëpi, pastaj do të vizitojë Kukësin e më pas do të ndeshet po në Korçë me Erzenin. 

Te bardhkuqtë kërkohet me çdo kusht kthesa dhe synohet vetëm fitore në fundjavë. 





Lajmet e fundit nga