web counter
LEXO PA REKLAMA!

SHKARKO APP

App Store
Google Play

Shpërthen Emiljano Çela: Dorëzohem! Arbitrim tendencioz, nuk di çfarë të bëj dhe kujt t’i drejtohem

6 Nëntor 2023, 16:00, Sport CNA

Trajneri i Flamurtarit, Emiljano Çela, shpërtheu në akuza, pas ndeshjes ku skuadra e tij fitoi minimalisht ndaj Korabit.

Për "MCN TV", Çela deklaroi se arbitrimi ishte tendencioz, ku përmendi një penallti të padhënë.

"Nuk mund të lë pa përmendur, pasi ishte një ambient fantastik këtu në Dibër. Ishte një nostalgji për mua. Organizimi i klubit, fusha, tifozeria ishin perfekte. Por unë jam tipi që tregohem i sinqertë dhe jam i drejtpërdrejtë.

Arbitrimi ishte gjatë gjithë kohës tendencioz. Dorëzohem për këtë, nuk flas më. Nuk di çfarë të bëj më, nuk di kujt t’i drejtohem dhe nuk di cili vesh do të më dëgjojë. Ishte një penallti flagrante.

Për sa i përket ndeshjes e futa ekipin në ekuilibër dhe doja të kapja linjat e ndërmjetme. Patjetër që pastaj kërkoja kohën limit të 4-5 sekondave për të bërë mbylljen e aksioneve. Kjo është një fitore e lojtarëve sepse këtë javë kanë pasur ngarkesë. E meritonin që t’u qeshte buza sot. Treguan karakter dhe personalitet përballë një skuadre shumë të fortë", tha ai. 





Lajmet e fundit nga