web counter
LEXO PA REKLAMA!

SHKARKO APP

App Store
Google Play

Barazimi me Skënderbeun, Ahmataj: Jam shumë i kënaqur, kështu e kishim përgatitur ndeshjen

5 Nëntor 2023, 19:22, Sport CNA

Trajneri i Tiranës, Julian Ahmataj, foli për MCN TV, pas ndeshjes, ku skuadra e tij barazoi 1-1 ndaj Skënderbeut.

Ahmataj deklaroi se ekipi i tij, tregoi në fushë, atë që kishin përgatitur në stërvitje pas minutës së 25-të.

"Në shumë momente të lojës, bëmë atë që kishim punuar. E kishim shumë të thjeshtë për ta zgjidhur ndeshjen. I shpërdoruam rastet. Një skuadër në shtëpi bën maksimumin dhe provon me rastet e veta.

Atë që pamë pas 25 minutave të para, atë kishim përgatitur. Në minutat e para, isha pak më nervoz. Skuadra u kthye atje ku duhej. Për minuta të tëra ishim në lojë, deri sa shënuam edhe gol. Vazhduam edhe pjesën e dytë, më pas mungesat që kemi dhe lojtarët e rinj, bënë që të vihemi pak në vështirësi. Kemi shumë rrugë për të bërë.  

Vazhdimësia do të tregojë ecurinë e skuadrave. 8 pikë janë shumë, por edhe pak. Duhet të rrisim lojën, sepse cilësinë e kemi, po ashtu edhe lojtarët i kemi. Po aktivizojmë edhe lojtarët e rinj, që po fitojnë eksperiencë dhe forcën për nivele të arta. Sot ishim me shumë mungesa. Jam shumë i kënaqur me atë që tregoi skuadra. Situata te Tirana është shumë e qetë. Çdo trajner ka gjërat e veta. Mua më shqetëson kur loja nuk është ashtu siç e përgatisim. E kishim përgatitur ndeshjen, ashtu siç u shfaqëm në fushë për shumicën e kohës.", tha Ahmataj.





Lajmet e fundit nga