web counter
LEXO PA REKLAMA!

SHKARKO APP

App Store
Google Play

E fundit!

x

Dy gola dhe karton i kuq, Juventusi nuk fal

27 Prill 2025, 20:00, Sport CNA

Dy gola dhe karton i kuq, Juventusi nuk fal

Juventusi ka reaguar pas disfatës javën e kaluar kundër Parmës, duke u rikthyer te fitorja në kampionat. Bardhezinjtë mposhtën Monzën në stadiumin “Allianz” me rezultatin 2-0, në një ndeshje vendosën fatin e sfidës që në pjesën e parë.

Skuadra e drejtuar nga Igor Tudor nisi ndeshjen me qasje të qartë ofensive, duke ushtruar presion të lartë ndaj kundërshtarit dhe duke kërkuar golin që në minutat e para. Përpjekjet u shpërblyen shpejt, pasi pas vetëm 11 minutash lojë, Nico Gonzalez zhbllokoi rezultatin. Sulmuesi argjentinas përfitoi nga një asist i saktë i Veigas dhe me një goditje të saktë, dërgoi topin në rrjetë, duke kaluar vendasit në avantazh.

Edhe pas golit të parë, Juventusi nuk uli ritmin. Bardhezinjtë vazhduan të kërkojnë me ngulm golin e dytë për të siguruar qetësinë në lojë. Minuta e 33-të solli edhe dyfishimin e shifrave, këtë herë falë Kolo Muani, i cili çoi rezultatin në 2-0.

Në fundin e pjesës së parë, Juventusit iu komplikua situata, kur Yildiz u ndëshkua me karton të kuq dhe skuadra u detyrua të vijonte me një lojtar më pak. Pavarësisht inferioritetit numerik, bardhezinjtë administruan mjaft mirë avantazhin në pjesën e dytë, duke mos i lënë hapësira Monzës për të rihapur ndeshjen.

Monza, ndonëse në superioritet numerik, nuk arriti të krijojë raste të rrezikshme, duke treguar edhe një herë vështirësitë që e kanë shoqëruar gjatë gjithë sezonit.

Me këtë fitore, Juventusi ngjitet në vendin e katërt të renditjes së Serisë A, duke grumbulluar 62 pikë. Një sukses i rëndësishëm për ekipin torinez, që synon të konsolidojë pozitat në zonën e Ligës së Kampionëve për sezonin e ardhshëm. Ndërkohë, situata për Monzën mbetet shumë e vështirë. Skuadra renditet në vendin e fundit të tabelës, me vetëm 15 pikë të grumbulluara, dhe është shumë pranë rënies në Serie B.





Lajmet e fundit nga