E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Dritan Mehmeti: Dinamo do ishte më komode nëse do drejtoja unë nga fillimi i kampionatit

26 Prill 2024, 19:13, Sport CNA

Dinamo City kërkon rikthimin te fitorja në kampionat dhe përballë e pret një kundërshtar i vështirë siç është Laçi. Në prag të kësaj përballje, për mediat foli trajneri i bluve, Dritan Mehmeti.

Ai deklaroi se skuadra duhet të ringrihet pas disfatës në derbi ndaj Partizanit. Sipas tij, ekipi do të kishte 4-5 pikë më shumë në rast se Mehmeti do e kishte drejtuar nga fillimi i kampionatit.

"Vijmë pas disfatës në derbi. Kemi bërë analizën dhe duhet të pranojmë verdiktet e derbit, që nuk arritëm ta interpretojmë si duhet, sidomos në aspektin psikologjik. E kemi thënë shpesh që skuadra është e re dhe do kohën e vet. Që të bësh atë hapin e madh, duhet të jesh i qetë dhe duhet të përballosh beteja të tilla.

Kemi punuar gjatë gjithë javës që të ringrihemi dhe të shikojmë përpara, sidomos ndeshjen e radhës. Kemi një kundërshtar që të imponon respekt dhe do të bëjmë maksimumin për të marrë më të mirën në fushë. Ka ardhur fundi dhe duhet të jemi më racionalë dhe konçizë.

Përveç Gudiabi, kemi dhe mungesën e sigurt të Tahirit, që ka pasur probleme javët e fundit në kavilje. Shpresojmë të rikuperohet sa më shpejt, sepse na ka ndihmuar javët e fundit.

Ne duhet të jemi të qetë dhe të japim gjithçka në fushë, pa menduar ekipet e tjera. Duhet të reflektojmë dhe të përmirësohemi te vetja. Në futboll nuk ka detyrim, ne futemi për të marrë më të mirën gjatë 90 minutave. Nëse kërkojmë diçka me ngut, nxitimi të çon në gabim. Duhet të jemi të qetë dhe agresivë.

Siç i kemi shanset për “Final 4”, është edhe rreziku për të rënë në renditje. Kampionati është i paparashikueshëm, skuadrat nuk kanë shumë diferenca, kalendari është i vështirë, për të qenë korrektë. Nëse nuk i marrim ndeshjet javë pas jave, do të bëjmë gabim. Të përqendrohemi te Laçi.

Nëse do të isha që në fillim të kampionatit, besoj do të kishim 4-5 pikë më shumë, sepse vetë statistikat e fazës së dytë dhe të tretë kanë treguar se kemi marrë më shumë pikë. Do të ishim më komodë sot.", deklaroi Mehmeti.