web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Përfiton klubi i Superiores, do të përdorë kompleksin e Manchester City-t

26 Prill 2024, 16:40, Sport CNA

ZYRTARE/ Përfiton klubi i Superiores, do të përdorë

Dinamo City, do të përfitojë nga investimi i Manchester City-t në Durrës. Të gjitha terrenet sportive, hoteli, shkolla stadiumi dhe gjithçka tjetër në kompleks, do i lihen në përdorim klubit të Dinamos.

Kjo u bë e ditur nga Dyrrah City Football Academy, që njoftoi se klubi dinamovit ishte i vetmi nga Superiorja, që iu përgjigj propozimit dhe përfiton rimbursim nga të ardhurat e përfituara nga transferimi dhe huazimi i lojtarëve të Akademisë së Fondacionit, kompensimet për trajnim dhe solidaritet, në përputhje me rregulloren e FSHF dhe FIFA, si dhe të drejtat e përdorimit të infrastrukturës dhe ambienteve të Kompleksit të Akademisë Durrës, në përputhje me Marrëveshjen e Posaçme, në këmbim të financimit të projektit dhe ndërtimit të infrastrukturës me kapacitetet e Klubit.

-NJOFTIMI I PLOTË-

Me kënaqësi ju bëjmë me dije se Fondacioni “Dyrrah City Football Academy” ka përzgjedhur “Futboll Club Dinamo City” sh.a. si fituesin e procedurës konkurruese për ndërtimin e kompleksit të Akademisë së Futbollit në Durrës”. Pas një ftese për propozime që u publikua më datë 2 shkurt 2024, Klubi “Dinamo City” ishte kandidati i vetëm që ju përgjigj thirrjes së bërë nga Fondacioni “Dyrrah City Football Academy”. Pas një vlerësimi të kujdesshëm, ky propozim u vlerësua si i favorshëm, duke përmbushur të gjitha kriteret dhe kushtet e kualifikimit të Ftesës për Propozim.

Kontrata e lidhur ndërmjet Fondacionit “Dyrrah City Football Academy” dhe Football Club Dinamo City sh.a. parashikon që klubi do të rimbursohet nga të ardhurat e përfituara nga transferimi dhe huazimi i lojtarëve të Akademisë së Fondacionit, kompensimet për trajnim dhe solidaritet, në përputhje me rregulloren e FSHF dhe FIFA, si dhe të drejtat e përdorimit të infrastrukturës dhe ambienteve të Kompleksit të Akademisë Durrës, në përputhje me Marrëveshjen e Posaçme, në këmbim të financimit të projektit dhe ndërtimit të infrastrukturës me kapacitetet e Klubit. Ne jemi të lumtur që kemi gjetur një partner të përshtatshëm për këtë projekt dhe shpresojmë që ky bashkëpunim të sjellë sukses për të gjithë palët përfshirë.





Lajmet e fundit nga