web counter
LEXO PA REKLAMA!

SHKARKO APP

App Store
Google Play

E fundit!

x

Rrëfimi i Grezdës: Doja Europianin, Shqipëria nuk më ndihmoi. Më kanë operuar dy herë gabim

26 Prill 2024, 15:30, Sport CNA

Rrëfimi i Grezdës: Doja Europianin, Shqipëria nuk më

Sulmuesi shqiptar, Eros Grezda, njoftoi pushimin nga futbolli pak ditë më parë. Lëndimet e shumta dhe jo vetëm, e detyruan 29-vjeçarin ta mbyllë përkohësisht me futbollin e luajtur.

Në një rrëfim të bërë së fundmi, Grezda ka folur për gjithë karrierën e tij, duke thënë se ka bërë katër operacione, dy prej të cilëve gabim.

“Këto vitet e fundit me problemet shëndetësore që kam kaluar, kam qenë shumë keq. Kam tentuar të kthehem disa herë. Nuk jam i kënaqur me progresin ku mund të arrij dhe vendosa njëherë të pushoj. Jam lodhur nga këto lëndime. Kam pasur kontratë edhe një vit me Rodeshin, e respektoj si ekip, por nuk kam dëshirë të luaj në ligë të dytë dhe për këtë arsye shkëputa kontratën. Nëse vjen ndonjë ofertë serioze dhe jam mirë me shëndet do t’i bashkohem, por nuk besoj. Futbollit nuk i dihet, por gjasat janë të vogla.

Kam pasur katër operime të ligamenteve në nyja të këmbëve. Dy herë në Kroaci më kanë operuar gabim. Ka qenë momenti më kritik i karrierës sime. Operimin e parë e kam pasur pak para se të kaloja në Rangers, pastaj lëndimin e kam pësuar në Rangers në përgatitje në janar. Më kanë bërë injeksione në vend të operimit. Pastaj jam bërë imun në injeksione dhe në Kroaci dy herë jam operuar, kurse herën e katërt në Barcelonë”, theksoi Grezda fillimisht për “Koha”.

Sulmuesi tha se ka arritur shumë që në moshë të re, por, sipas tij, dëmtimet e kanë kushtëzuar për të shkuar më lart.

“Të gjithë ata që më njohin, unë jam një djalë realist. I flas gjërat ashtu siç janë. Kam qenë një ndër talentet më të mëdhenj shqiptarë. Prej moshës 20-vjeçare kam bërë karrierë të suksesshme. E kam realizuar qëllimin jetësor të karrierës ku nënshkrova kontratë me një prej klubeve më të mëdha në botë. Jam bërë shqiptari i parë që kam nënshkruar kontratë me klubin me më së shumti trofe në botë. Ka qenë një arritje e vogël për mua. Pastaj filluan krejt probleme të tjera. Nuk jam i kënaqur me arritjet e mia, pasi kam besuar se mund të arrij shumë më shumë, mirëpo jeta i ka këto sfida. Duhet të vazhdoj gjëra të tjera”, tha ai.

Grezda ka luajtur edhe 13 ndeshje për Shqipërinë, ndërsa ka shënuar një gol, por ndien keqardhje që nuk mori pjesë në Europian.

“Do të doja të isha pjesë e një Europiani, por për fat të keq nuk isha. Shqipëria ishte ëndrra ime. Kur Shqipëria ma kishte nevojën, unë kam qenë gjithmonë aty, por kur unë kisha nevojë për Shqipërinë, nuk është se më ka ndihmuar. Edhe sporti i ka këto padrejtësi”, deklaroi Grezda.





Lajmet e fundit nga