web counter
LEXO PA REKLAMA!

SHKARKO APP

App Store
Google Play

E fundit!

x

Sfida me Erzenin/ Gvozdenoviç jep detaje për ekipin: Formacion sulmues

26 Prill 2024, 17:30, Sport CNA

Sfida me Erzenin/ Gvozdenoviç jep detaje për ekipin: Formacion

Ditën e nesërme do të luhet ndeshja kundër ekipit të Erzenit në stadiumin “Skënderbeu” të Korçës. Një ndeshje shumë e vlefshme për ekipin korçar që kërkon medoemos fitoren dhe 3 pikët. Në konferencën për mediat, trajneri i Skënderbeut, Ivan Gvozdenoviç, ka treguar situatën e ekipit duke thënë se kanë një problem të vogël momentalisht me Nikajn.

“Situata deri tani është mirë. Sot kemi stërvitjen e fundit, kemi një problem të vogël me Nikajn, ka një dhimbje në gju dhe sot do të shikojmë dhe do vendosim.”

Ndeshja e radhës është shumë e rëndësishme për bardhekuqtë, të cilët kërkojnë fitoren për t’u pozicionuar më pas edhe në një renditje më të afërt me ekipet kryesuese. Diferenca e afërt e pikëve jep edhe mundësi për Skënderbeun që pret rezultat pozitiv ditën e nesërme.

“Ndeshja me Erzenin është shumë e rëndësishme, ashtu siç ishte e rëndësishme kundër Kukësit dhe Teutës. Është një ndeshje e fortë, kemi nevojë për pikët. Nuk jemi shumë të sigurt dhe të qetë sepse kemi 6 pikë diferencë nga ‘play out’ dhe 2 pikë diferencë nga ‘Final Four’. Kemi katër jave dhe 12 pikë në lojë. Matematikisht e gjitha është e hapur,  por ne jemi Skënderbeu dhe mendojmë si të luajmë bukur dhe të fitojmë në ndeshje. Kemi respekt për ekipin e Erzenit dhe së bashku me tifozët do dalim mirë me një rezultat pozitiv.”

Lidhur me formacionin, edhe këtë radhë, trajneri Gvozdenoviç ka menduar të jetë formacion sulmues.

“Skënderbeu gjithmonë mendon si të luajë ofensivë dhe bukur. Për nesër e thashë që kemi vetëm një problem të vogël me Nikajn dhe nëse nuk është gati do vendosim me stafin dhe besoj do të kemi formacion ofensiv.”

Sa i përket objektivit për të arritur “Final Four”, Gvozdenoviç nuk heq dorë nga dëshira për ta kapur këtë synim.

“Është shumë e vështirë të të them tani drejt sepse mendojmë vetëm si do fitojmë nesër. Më pas varet nga rezultatet, por jemi për një nivel të lartë dhe e kemi si objektiv për të kapur ‘Final Four’”.

Ndeshja do të luhet në Korçë kundër ekipit të Erzenit që rrezikon daljen nga kategoria, ndërsa pritet të ketë edhe pjesëmarrje të lartë të tifozëve./ CNA





Lajmet e fundit nga