web counter
LEXO PA REKLAMA!

SHKARKO APP

App Store
Google Play

Do kandidojë për President Federate, e konfirmon Ronaldo

17 Dhjetor 2024, 13:28, Sport CNA

Do kandidojë për President Federate, e konfirmon Ronaldo

Një nga legjendat e futbollit botëror, Ronaldo Nazario da Lima, do të kandidojë për president të Federatës Braziliane të Futboll.

Kjo u konfirmua nga vetë “Fenomeni”, në një deklaratë të bërë, pa muaj para zgjedhjeve.

Ronaldo zbuloi arsyet e vendimit, ndërsa nuk i kurseu akuzat ndaj drejtuesve aktualë

“Ka 20 vite pa perspektivë. Të gjithë janë të pakënaqur. Kam qindra arsye për këtë vendim, por më e madhja është të kthej futbollin brazilian në majat e botës. Unë jam një forcë alternative për një ndryshim të rëndësishëm për futbollin brazilian, i cili është në një krizë të thellë.

Duhet të jemi vigjilentë. Këto skandale dhe padi të administratës, të gjitha këto nuk po ndihmojnë futbollin brazilian. Ne duhet të jemi vigjilentë dhe të shohim se çfarë ndodh, çfarë mund të ndodhë dhe të jemi të përgatitur për situatën.

Ajo që e përjetoj më shpesh në rrugë është që njerëzit më afrohen dhe më kërkojnë të luaj sërish sepse situata e kombëtares nuk është aktualisht më e mira, si në fushë ashtu edhe jashtë saj”, tha 48-vjeçari brazilian.

Për të mbajtur postin si president i CBF, Ronaldo do të duhet të shesë aksionet e tij në Real Valladoid, diçka që nuk do të jetë një problem, sipas tij.

“Ne jemi duke negociuar një shitje të mundshme dhe duhet të përfundojmë transaksionin. Kjo nuk do të jetë pengesë për kandidaturën time”, përfundoi Ronaldo.





Lajmet e fundit nga