web counter
LEXO PA REKLAMA!

SHKARKO APP

App Store
Google Play

“Tronditet” Chelsea, sulmuesi rezulton me doping. Rrezikon pezullimin

17 Dhjetor 2024, 13:10, Sport CNA

“Tronditet” Chelsea, sulmuesi rezulton me doping. Rrezikon

Mykhailo Mudryk është futur në telashe të mëdha.

Lojtari ukrainas i Chelsea-t, ka dalë pozitiv në një test rutinë të antidopingut. Klubi londinez ka konfirmuar përmes një deklarate zyrtare se Federata Angleze e Futbollit (FA) ka kontaktuar lojtarin për shkak të një gjetjeje të dyshimtë në testet e kryera pas një ndeshjeje të fundit.

“Klubi i Futbollit Chelsea mund të konfirmojë se Federata e Futbollit ka kontaktuar së fundmi lojtarin tonë Mykhailo Mudryk në lidhje me një gjetje të pafavorshme në një test rutinë të urinës,” thuhet në deklaratën e klubit.

Chelsea dhe Mudryk kanë treguar gatishmërinë për të bashkëpunuar me autoritetet përkatëse, duke theksuar mbështetjen e tyre të plotë për programin anti-doping të Federatës Angleze të Futbollit. Në deklaratën zyrtare, klubi ka siguruar se të gjithë lojtarët e tij, përfshirë Mudryk, i nënshtrohen rregullisht testeve dhe se ky rast do të hetohet me seriozitet maksimal.

Nga ana e tij, Mudryk ka mohuar kategorikisht përdorimin me vetëdije të ndonjë substance të ndaluar. Lojtari ka informuar drejtuesit e Chelseat se ai nuk ka konsumuar qëllimisht asnjë produkt që bie ndesh me rregulloret sportive.

“Si Klubi ashtu edhe Mykhailo mbështesin plotësisht programin e testimit të FA. Mykhailo ka konfirmuar se ai kurrë nuk ka përdorur me vetëdije ndonjë substancë të ndaluar. Si Mykhailo ashtu edhe klubi tani do të punojnë me autoritetet përkatëse për të përcaktuar se çfarë ka shkaktuar gjetjen e pafavorshme,” përfundon deklarata e klubit londinez.

Hetimet do të vazhdojnë për të përcaktuar nëse kjo gjetje është rezultat i ndonjë keqkuptimi apo nëse bëhet fjalë për një shkelje më serioze të rregulloreve.

Chelsea ka bërë të qartë se nuk do të japë më shumë komente mbi këtë çështje derisa të përfundojnë hetimet. Ndërkohë, Mudryk përballet me një periudhë të vështirë, teksa pret një vendim përfundimtar që mund të ndikojë seriozisht në karrierën e tij.





Lajmet e fundit nga