web counter
LEXO PA REKLAMA!

SHKARKO APP

App Store
Google Play

Lazio-Inter premton spektakël, Inzaghi: Nuk është si të tjerat

16 Dhjetor 2024, 10:24, Sport CNA

Lazio-Inter premton spektakël, Inzaghi: Nuk është si të


Inter-i kërkon të hedhë pas krahëve humbjen e pësuar në Ligën e Kampioneve dhe synon triumfin në kampionat. Zikatrit kanë një transfertë delikate, ndaj Lazio-s, një ekip që po bën shumë mirë këtë sezon. 

Në këtë përballje spektakli është i garantuar, me të dyja ekipet që do të kërkojnë me çdo kusht fitoren, për të vazhduar garën për titullin kampion. 

Në prag të kësaj sfide, trajneri i Inter-it, Simone Inzaghi, vlerësoi kundërshtarin, ndërsa tha se për të është ndeshje e veçantë, për shkak se ka qenë pjesë e këtij ekipi në të kaluarën. 

“Sigurisht që do të jetë një ndeshje e komplikuar kundër një skuadre që ka fituar 16 ndeshje nga 22.

Edhe kur nuk ka fituar ka luajtur gjithmonë ndeshje të shkëlqyera, do të duhet ta interpretojmë ndeshjen në mënyrën më të mirë të mundshme.

Për mua ndeshja kundër Lazio-s nuk do të jetë kurrë si të tjerat, edhe pse nuk është hera e parë që kthehem në "Olimpico" si kundërshtar.

Nuk e harroj rrugëtimin tim mes fushës dhe pankinës, por tani mendoj vetëm për Inter-in. Ndihem mirë te zikaltrit dhe ndihem i vlerësuar nga të gjithë, prandaj jam krenar për atë që po bëj.

Ndeshjet europiane marrin energji, por kjo vlen për të gjitha skuadrat dhe gjithashtu për Lazio-n. Ne do të bëjmë më të mirën si gjithmonë. Kur flasim për titullin, duhet përmendur edhe Lazio sepse është e mirorganizuar dhe solide në lojë. Po bëjnë gjëra të shkëlqyera, prandaj duhet thënë se janë edhe ata në garë”, deklaroi Inzaghi. 

Ndeshja Lazio-Inter do të luhet mbrëmjen e kësaj të hëne, duke nisur nga ora 20:45. 





Lajmet e fundit nga