web counter
LEXO PA REKLAMA!

SHKARKO APP

App Store
Google Play

Ditë historike për skitë shqiptare/ Lara Colturi do të garojë në Kupën e Botës në Solden të Austrisë

21 Tetor 2022, 19:17, Sport CNA
Ditë historike për skitë shqiptare/ Lara Colturi do të
Lara Colturi

Ekipi shqiptar i skive gjendet në Solden të Austrisë një ditë para garës së parë të kupës së botës në ski, ku për herë të parë Shqipëria përfaqësohet në cirkuitin e Kupës së Botës për Femra me Lara Colturin.

Në këtë garë janë të pranishëm të gjithë kampionët e botës dhe është gara me elitare e skive.

Shqipëria ka shancin e madh që të futet në ajken e skive me Larën. Ajo do të garojë nesër në 10 me orën e Shqipërisë.

Shpresojmë që debutimi historik me moshën më të re, vetëm 15 vjeç, të bëhet akoma më domethënës me futjen e saj në 30-tshen e parë të botës. Do të ishte një eveniment i jashtëzakonshëm për Shqipërinë.

Ditë historike për skitë shqiptare/ Lara Colturi do të

Pista e Solden konsiderohet si një nga më të vështirat dhe më të bukurat për disiplinën e Giant Sllallom.

Lara, bashkë me familjen dhe njëkohësisht trajnerët e saj, mamanë Daniela Ceccarelli dhe Allessandro Colturi janë prej 10 ditësh në Solden, ku po përgatiten intensivisht për një rezultat të mirë të shtunën.

Duhet përmendur se Lara vjen pas fitores së Kupës së Amerikës Latine në verë të këtij viti, fitore që  ishte mjaft domethënëse për evolucionin e madh që kanë bërë skitë shqiptare.

Është vetëm fillimi i një rrugëtimi të gjatë për Larën, për trajnerët e saj, si dhe për Federatën Shqiptare të Skive, ku ky sport dimëror po kalon në një tjetër dimension./ B.A. - CNA.al





Lajmet e fundit nga