web counter
LEXO PA REKLAMA!

SHKARKO APP

App Store
Google Play

Italiani mund të rikthehet te Shqipëria, shihet si pasuesi i Rejës te pankina e Kombëtares

21 Tetor 2022, 13:28, Sport CNA

Italiani mund të rikthehet te Shqipëria, shihet si pasuesi i

Ka qenë një eksperiencë shumë e bukur, interesante, stimuluese dhe shpërblyese. Tani është mbyllur, sepse presidenti ka nevojë për një figurë që të jetë sa më afër dhe i përkushtuar plotësisht atje, ndërsa unë nuk mundem, për arsye edhe familjare, kam nevojën që të jem më shumë kohë në Itali”, kanë qenë fjalët e Xhankarlo Kamolezes në mediat italiane, pasi u largua nga posti i Drejtorit Teknik në Federatën Shqiptare të Futbollit disa muaj më parë.

Ndërkohë disa herë ai është përfolur si një zëvendësues i Edi Rejës në stolin kuqezi dhe tani vijmë në një moment kur po flitet për të ardhmen e trajnerit 77- vjeçar.

“Panorama Sport” mëson se emri i Xhankarlo Kamolezes është rikthyer fuqishëm në skenë, dhe nuk përjashtohet mundësia që ai të emërohet trajner i Shqipërisë.

Ish-drejtori teknik, i cili ka punuar edhe me ekipet e moshave e njeh mirë ambientin, për të shtuar edhe raportet e mira që ka me presidentin e FSHF-së Armand Duka.

Kamoleze ka trajnuar vetëm në Itali, me ekipet si: Torino, Pro Verçeli, Viçenca dhe Rexhina, ndërsa skuadra e fundit që ai ka drejtuar ka qenë Kiaso në Zvicër në sezonin 2015-2016, ndërkohë italiani 61-vjeçar nuk ka asnjë eksperiencë me ekipe kombëtare.

Si futbollist ai ka luajtur nga sezoni 1979 deri në 1995, ku ka veshur fanellën e Lacios, Torinos, Rexhinës dhe disa ekipeve të tjera në kategoritë e ulëta në Itali.

Mbetet për t’u parë se çfarë do të ndodhë në vazhdim në lidhje me stolin e Shqipërisë, pasi gjasat janë që Reja të mos rinovojë.





Lajmet e fundit nga