E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

VLLAZNIA-BYLIS/ Shkodranëve u mjafton goli i Markut, mbyllet pjesa e parë

21 Tetor 2022, 18:52, Sport CNA

Vllaznia pret në “Loro Boriçi” Bylisin në sfidën e javës së 9-të të “Abissnet Superiore”, ku të dyja ekipet do të luajnë për tre pikët.

Skuadra e Josës vjen nga një barazim përballë Laçit në kampionat dhe do të kërkojë të fitojë në mënyrë që të jetë në garë për titull.

Nga ana tjetër, ballshiotët e Arian Bellait duan të harrojnë atë disfatë kundër Tiranës dhe të rikthehen dhe njëherë te triumfi në këtë transfertë të vështirë.

LIVE VLLAZNIA-BYLIS 1-0
39′ Marku

46’ Nis pjesa e dytë e ndeshjes në Shkodër.

45’+1’ Mbyllet pjesa e parë me avantazhin 1-0 të shkodranëve.

45’ Nga ana tjetër është menjëherë Kaçorri i cili rrezikon katërkëndorin e Zogoviç, por nuk ka forcën e duhur për të shtyrë sferën në rrjetë pas një kontrolli shumë të mirë në zonë.

44’ Rast për shkodranët kur një harkim nga e majta gjuhet me kokë nga Aralica, por ky i fundit nuk gjen portën duke çuar sferën mbi traversë.

39’ GOOOL VLLAZNIA. Shënon Herald Marku me një gjuajtje në kufijtë e zonës që mposht Teqjen.

38’ Kaçorri ka mundësinë e pastër për të shënuar golin e avantazhit, por përsëri ndalet nga Zogoviç në gjuajtjen e tij nga e majta.

32’ Mala ia del të ndërhyrje në një largim të topit të mbrojtjes ballshiote duke e kthyer në një asist për Aralicën por ky i fundit nuk ia del të kontrollojë topin dhe sfera largohet nga miqtë.

29’ Vllaznia ka më shumë iniciativën në këto minuta, por nuk ia del të krijojë rraste të rrezikshme para portës së Bylisit.

23’ Tjetër tentativë e Maçollit, i cili këtë herë i shkon shumë afër golit pasi topi kalon pak mbi traversën e katërkëndorit të mbrojtur nga Zogoviç.

20’ Pas një goditje nga këndi nga e djathta e Krujës, Juriç me kokë gjuan në portë por Teqja pret goditjen qëndrore të tij.

19’ Pas një aksioni të shpejtë të ballshiotëve nga e djathta, topi shkon te Maçolli i cili provon të gjejë rrjetën nga distanca, por sfera fluturon shumë lart mbi traversë.

18’ Topi qarkullon në të dy gjysmëfushat në këto minuta, por mungojnë rastet për t’u shënuar në njërën portë apo në tjetrën.

11’ Maçolli ndëshkohet me karton të verdhë pas një faulli ndaj Gurishtës, ndëshkohet edhe trajneri Bellaj për protesta.

8’ Harkim nga e djathta i Krujës, Teqja del para sulmuesve shkodranë duke mbërthyer topin.

4’ Thumbim i menjëhershëm i ballshiotëve me Bejin i cili pason për Kaçorrin, ky i fundit del para Zogoviç por ndalet nga portieri.

1’ Nis dueli në “Loro Boriçi”.

VLLAZNIA: Zogoviç, Bulatoviç, Gurishta, Smajli, Marku, Kruja, Juriç, Mala, Alivoda, Hoxhaj, Aralica.

BYLIS: Teqja, Trumci, Qoshku, Lorran, Macolli, Janku, Perreira, Da Silva, Kacorri, Lajthia, Beji.