E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Pusi bën liderin te Skënderbeu: Nuk ndalemi më!

21 Tetor 2022, 13:53, Sport CNA

Me pesë gola në katër takimet e fundit, Belajdi Pusi është kthyer në njeriun e momentit te Skënderbeu. I rikthyer si një sulmues qendre, aty ku ka luajtur më së shumti në karrierë, duke e pasur si pozicion natyral, shkodrani vijon të gjejë rregullisht rrugën e rrjetës dhe të ndihmojë Skënderbeun drejt ngjitjes në tabelë. Në një prononcim për “Panorama Sport”, sulmuesi tregon për sukseset radhazi të ekipit dhe pritshmëritë që ka për ndeshjen me Besëlidhjen të hënën. Sipas Pusit, tashmë ekipi ka kapur ritmin e duhur dhe do të duhet të vijojë kështu ndeshje pas ndeshjeje për të treguar forcën reale. Për të është e rëndësishme që të shkohet me fitore deri në ndërprerjen e kampionatit, ndërsa më pas puna do të duhet të jetë më e madhe.

SITUATA – “Jemi të kënaqur me ecurinë në këto ndeshjet e fundit. Kanë qenë pesë takime, përfshi edhe Kupën, që kemi luajtur dhe kemi bërë paraqitje të mira.

Sidomos në tri ndeshjet e kampionatit, ku kemi marrë tri fitore radhazi. Tani mund të them se kemi hyrë plotësisht në ritmin e duhur dhe jemi përshtatur me kampionatin.

Ka qenë paksa e vështirë në fillim, pasi vinim nga një eksperiencë tjetër dhe përshtatja në këtë nivel besoj se ka qenë problemi më i madh për ne.

Por, tani e kemi kuptuar filozofinë dhe do të vijojmë të rritemi javë pas jave. E rëndësishme për ne është që të jemi të bashkuar dhe të vijojmë duke i marrë ndeshjet një e nga një.

Kemi ende punë për të bërë, por le të shohim ndeshjen e radhës. Duam që të shkojmë me këtë ecuri deri në ndërprerjen e kampionatit. Më pas do të duhet më shumë punë për ta rinisur si duhet”, ka deklaruar fillimisht sulmuesi.

GOLAT – Padyshim që momenti që po kalon është ndër më të mirët për kohën që ka luajtur në Korçë dhe një gjë të tillë Pusi nuk e mohon.

Ai tregon sekretin e formës dhe shpreson që të mos ndalet së shënuari.

“Një sulmues jeton me gola dhe sa më shumë të shënojë aq më i pangopur bëhet. Unë kam shënuar në javët e fundit dhe kjo më shtyn që të vijoj ta bëj një gjë të tillë.

Jam kthyer në pozicionin tim natyral dhe këto janë arsyet e formës. Normalisht që trajneri ka bërë një punë të mirë me ne sulmuesit, duke na dhënë atë që na ka munguar në javët e para”, përfundoi Pusi.