web counter
LEXO PA REKLAMA!

SHKARKO APP

App Store
Google Play

E fundit!

x

Derbi Tirana-Partizani, "Air Albania" sërish viktimë. Tifozët shkatërrojnë stolat

18 Maj 2023, 16:32, Sport CNA

Derbi Tirana-Partizani, "Air Albania" sërish viktimë.

Policia, por edhe organizatorët e ndeshjes derbi këtë herë kishin marrë masa më të rrepta për të evituar incidentet gjatë sfidës më të luftuar të futbollit shqiptar. Eksperienca e viteve të fundit ka bërë që forcat e sigurisë të mësojnë nga gabimet e së shkuarës dhe kështu ndodhi këtë herë kur masat ekstreme u reflektuan në një stadium pothuajse të mbushur nga dy tifozeri që nuk dallohen për korrektësinë apo vetëpërmbajtjen.

Nëse në tri ndeshjet e para derbi të sezonit, dëmet ishin të konsiderueshme dhe ato u detyruan t’i paguanin klubet nga buxheti i tyre, këtë herë Tirana dhe Partizani mund të fërkojnë duart pasi vendimi i Disiplinës mund të jetë më pak rëndues në buxhetin e të dyja skuadrave.

Edhe pse stolat e thyer nga derbi i marsit nuk ishin zëvendësuar plotësisht, të tjerë janë thyer. Nuk ka ende shifra zyrtare për dëmet në stadium, ndërsa në të dy krahët mund të jenë shkatërruar rreth 200 të tillë. Gjatë gjithë ndeshjes, në sektorin jugor, tifozët e kuq u treguan më të përmbajtur duke shkaktuar më pak dëme se herët e tjera, por gjithsesi duket qartë se sërish dëmet janë të konsiderueshme.

Nuk ndryshon aspak panorama as në sektorin e bardhebluve që gjatë pjesës më të madhe të ndeshjes hodhën sende të ndryshme në fushë, por intensiteti u rrit kur pranë tyre ishte pozicionuar portieri i Partizanit, Rexhepi. Që në orët e para të mëngjesit të së enjtes punonjësit e stadiumit kanë nisur pastrimin e shkallëve, por shënjat mbeten dhe ato janë të qarta në barkun e stadiumit kombëtar.





Lajmet e fundit nga