web counter
LEXO PA REKLAMA!

SHKARKO APP

App Store
Google Play

E fundit!

x

Manchester City shkatërron Real Madridin dhe kualifikohet në finalen e Champions League

17 Maj 2023, 22:52, Sport CNA

Manchester City ka arritur nje fitore madheshtore ndaj Real Madridit me rezultat 4-0 në kuadër të ndeshjes së dytë gjysmëfinale të Ligës së Kampionëve. Ndeshja e parë mes këtyre dy skuadrave ishte mbyllur barazim 1-1 dhe qytetarët kaluan në finale me rezultat të përgjithshëm prej 5-1.

Një dominim i jashtëzakonshëm i anglezëve në fillim të ndeshjes, ku Erling Haaland kishte dy raste me kokë, por në të dyja rastet në vend ishte Thibaut Courtois që bëri pritje të jashtëzakonshme. Goli i parë erdhi në minutën e 23-të, ku pas një aksioni shumë të bukur Manchester City kaloi në epërsi prej 1-0. De Bruyne pasoi te Bernardo Silva i cili me një goditje të fuqishme brenda zonës.

Mbretërit per pak sa mund barazonin në minutën e 35-të, kur Toni Kroos goditi shtyllën me një goditje të fuqishme nga distanca. Pas dy minutash Bernardo Silva shënoi me kokë pas një topi të kthyer për 2-0, rezultat me të cilin u mbyll pjesa e parë.

Pjesa e dytë nisi me Real Madridin që kërkonte më shumë dhe tentonte të hapte ndeshjen. David Alaba me një gjuajtje të fuqishme rrezikoi portën e Ederson, i cili me shumë mund e dërgoi topin jashtë.

Mbretërit vazhdon me dominim të lehtë, sidomos me mbajtjen e topit, por që hapësira kishin shumë pak për të shënuar. Në minutën e 73-të Erling Haaland doli i vetëm me Coutois, i cili priti goditjen, ndërsa topi goditi traversën për të dal jashtë.

Man City shënoi golin e sigurisë në këtë ndeshje, duke shënuar me Manuel Akanjin, ku goditja e tij u devijua paksa nga Eder Militaoi për 3-0. Pa u mbyllur ndeshja, në skenë doli Julian Alvarez që shënoi për 4-0, rezultatin përfundimtar të ndeshjes. Deri në fund nuk kishte më gola dhe Manchester City kaloi në finalen e madhe, ku do të përballet me Interin.





Lajmet e fundit nga