web counter
LEXO PA REKLAMA!

SHKARKO APP

App Store
Google Play

E fundit!

x

Gara për titull, Tiranës nuk i lejohen më gabime

18 Maj 2023, 14:14, Sport CNA

Tirana dhe Partizani barazuan në derbin e së mërkurës në "Air Albania", duke lënë të hapur llogaritë e titullit. Aktualisht vendi i parë mbahet nga Tirana që ka 2 pikë më tepër se Partizani. Të besuarit e Orges Shehit iu falën një goli të Ardit Deliut, për të dalë të pamposhtur nga kjo sfidë e për të mbajtur komandën, por skuadrës bardheblu nuk i lejohen më gabime deri në fund.

Bilanci në ndeshjet direkte është në favor të Partizanit, që nëse do ta përfundojë kampionatin në kuotë të barabartë pikësh me kampionët në fuqi do t'i merrte titullin kampion. “Demat” kanë fituar 2 ndeshje, ndërsa një takim ka shkuar në favor të Tiranës, para se të mbyllej në barazim ndeshja e katërt.

Në të tilla kushte, bardhebluve nuk u lejohen më gabime deri në fund të kampionatit, për të pasur në dorën e tyre fatin e titullit. Nëse Tirana merr maksimumin e pikëve ndaj Laçit, Erzenit dhe me Bylisin, atëherë do të ishin kampionë, pa marrë në konsideratë rezultatet e Partizanit.

Të kuqtë në krahun tjetër do të duhet jo vetëm të marrin pikët e plota me Vllazninë, Kastriotin dhe Teutën, por dhe të shpresojnë te një hap i gabuar i kryesuesve, për të arritur që t'i parakalojnë në renditje.





Lajmet e fundit nga