E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Deklaratat e fundit të CR7 i hapin “derën” e largimit nga “Old Trafford”, portugezi drejt gjigantëve europianë

15 Nëntor 2022, 12:32, Sport CNA

Kristiano Ronaldo pak ditë më parë dha një intervistë për “TALK TV”, ku portugezi foli si asnjëherë më parë, pa “doreza”, ndërsa nuk kurseu askënd që kishte ndikuar në paraqitjet e tij me Mançester Junajtid.

Deklarata të forta të Ronaldos që tronditën botën e futbollit, por tashmë këto deklarata kanë nisur të japin edhe “pasojat” e para. Në fakt kjo është diçka pozitive për vetë sulmuesin, i cili gjatë merkatos së verës kërkoi me ngulm largimin nga “Old Trafford”, por fatkeqësisht diçka e tillë nuk u realizua. Tashmë pas deklaratave të dhëna nga ish-sulmuesi i Realit kanë bërë që drejtuesit e Junajtid t’i hapin derën 5 herë fituesit të “Topit të Artë”.

Sipas gazetarit Chris Wheeler, nga “Daily Mail”, ka bërë të qartë se tashmë divorci mes Junajtid dhe CR7 është firmosur, ndërsa me kuriozitet mbetet të mësohet se kush do të jetë skuadra e re e kapitenit të Portugalisë. Po sipas burimit në fjalë është bërë gjithashtu e ditur se Ronaldo dhe Jorgo Mendes janë takuar me përfaqësuesit të Bajern Mynih në Angli.

Mbetet për t’u parë nëse Bajerni do të pranojë ta marrë sulmuesin tashmë 37 vjeç. Bundesliga dhe Ligue 1 janë të vetmet kampionate kryesore në Europë ku Ronaldo nuk e ka provuar veten.